web counter
LEXO PA REKLAMA!

SHKARKO APP

E fundit!

x

Protesta para Kryeministrisë/ Aktivistët kundërshtojnë marrëveshjen për emigrantët

2 Dhjetor 2024, 13:55, Politikë CNA

Protesta para Kryeministrisë/ Aktivistët kundërshtojnë

Një protestë u zhvillua paraditen e së hënës para kryeministrisë nga aktivistë italianë dhe vendas, që kundërshtonin marrëveshjen e Shqipërisë dhe Italisë për pritjen e emigrantëve.

Ata e kanë konsideruar marrëveshje antinjerëzore. Një protestë e ngjashme u mbajt një ditë më parë para portit të Shëngjinit nga aktivistë të shoqërisë civile nga Italia dhe Shqipëria kundër marrëveshjes Meloni-Rama.

Deri më tani, dy grupet me emigrantë të ardhur nga Italia nuk kanë qëndruar më shumë se 48 orë në Shqipëri, për shkak të vendimeve të Gjykatës italiane dhe problemeve me paditë e hapura deri në gjykatat europiane.

Kryeministrja italiane, Giorgia Meloni, gjithsesi shprehet e vendosur t’i shkojë deri në fund paktit qeveritar me kryeministrin Edi Rama. Po ashtu mediat italiane shkruajnë se për qeverinë Meloni mënyra se si po shkojnë procedurat dhe përplasja me drejtësinë për listën e vendeve të sigurta, është 'më mirë' që të përmbyllet me një përplasje midis Romës dhe Brukselit.

Reagimi i parë i qeverisë Meloni pas rastit të fundit të emigrantëve që u dërguan në Shqipëri dhe që “u detyruan” nga një vendim gjykate të kthehen në Itali, ishte i menjëhershëm teksa u shprehen të bindur se gjykatësit janë gabim./ CNA

 





Lajmet e fundit nga