web counter
LEXO PA REKLAMA!

SHKARKO APP

App Store
Google Play

E fundit!

x

Ndarja nga jeta e nobelistit shqiptaro-amerikan/ Berisha, mesazh ngshëllimi

6 Shtator 2023, 22:24, Politikë CNA
Ndarja nga jeta e nobelistit shqiptaro-amerikan/ Berisha, mesazh ngshëllimi
Ish-kryeministri Sali Berisha

Ish-kryeministri Sali Berisha ka dhënë një mesazh ngushëllimi për nobelistin shqiptaro-amerikan, Ferid Murati, i cili u nda sot nga jeta.

Berisha përmend çmimet që ka marrë Fedi Murati dhe karrierën brilante në udhëheqje të universiteteve më në zë të SHBA.

Ai deklaron se nobelisti ishte me baba shqiptar që ruante një dashuri të veçantë për kombin tonë.

Ish-kryeministri kujton takimin me Muratin në qershor të vitit 2011, ku nobelisti kishte shprehur gatishmëri për të ndihmuar në bashkëpunimet midis universiteteve shqiptare dhe universiteteve të SHBA ku ai punonte.

Ndarja nga jeta e nobelistit shqiptaro-amerikan/ Berisha, mesazh ngshëllimi

Mesazhi i Berishës:

Dielli perëndoi përgjithmonë për Nobelistin Ferid Murati.

Të dashur miq, Profesori shqiptaro-amerikan Ferid Murati, laurat i çmimit nobel në Fiziologji dhe Mjekësi, si dhe i disa çmimeve të tjera të rëndësishme në fushën e mjeksisë dhe kardiologjisë, shkencëtari me origjinë shqiptare, më i shquar i të gjitha kohërave, mbylli sytë përgjithmonë!

Profesor Ferid Murad pati një karrierë brilante në udhëheqje të universiteteve më në zë të SHBA. Ai zhvilloi një veprimtari kërkimore shkencore të një rëndësie të jashtëzakonshme në fushën e biokimisë, fiziologjisë, farmakologjisë dhe kardiologjisë. Të një rëndësie themelore ishte studimi i i tij mbi rolin të acidit nitrik në fiziologjinë e enëve të gjakut si një molekule sinjalizuese në sistemin kardiovaskular, gjë e cila u kurorëzua me zbulime tejet të rëndësishme si Viagra etj për të cilat mori çmimin Nobel sëbashku me dy shkenctarë të tjerë Robert F. Furchgott and Louis J. Ignarro.

Ferid Murad ishte me baba shqiptar ruante një dashuri të veçantë për kombin shqiptar.

Unë pata fatin që ta pres atë në vizitën e tij në Shqipëri në qershor të vitit 2011. Në këtë takim dhe në darkën e shtruar për nder të tij, Prof. Murad u shpreh i gatshëm për të ndihmuar në kooperimet midis universiteteve shqiptare dhe universiteteve të SHBA ku ai punonte, për të mbështetur kërkimin shkencor, formimin dhe punën e shkencëtarëve shqiptarë dhe përparimin e shkencës në funksion të zhvillimit të Shqipërisë.

Me këtë rast shpreh gjithashtu nderimin tim më të madh dhe mirënjohjen më të pakufishme për kontributin e tij të jashtëzakonshëm në shkencat mjeksore, dashurinë e tij për kombin shqiptar, lartësimin e emrit të një shqiptaro-amerikani në olimpin e shkencë botërore.

Duke përcjellë ngushellimet e mia më të ndjera familjes dhe miqve të nobelistit Ferid Murad, lutem së bashku me ta që shpirti i tij i madh të gjej paqen e merituar. Amin. #sb/ CNA





Lajmet e fundit nga