web counter
LEXO PA REKLAMA!

SHKARKO APP

App Store
Google Play

“Çmenduria më e madhe”/ Korreshi: Dekorimi dhe glorifikimi i figurave të komunizmit është skandaloz

21 Tetor 2025, 10:14, Politikë CNA

“Çmenduria më e madhe”/ Korreshi: Dekorimi dhe

Deputeti demokrat, Saimir Korreshi, ndau sot qëndrimin e tij kritik lidhur me dekorimin dhe glorifikimin e figurave të komunizmit, duke u ndalur te një rast konkret nga Bashkia e Lushnjës.

I ftuar në "Syri TV", Korreshi u shpreh se akte të tilla janë skandaloze dhe të paprecedenta për qytetin e Lushnjës.

Korreshi shtoi se në Shqipëri duhet të kishte patjetër një ligj për dekomunistizimin.

“Janë persekutuar e dërguar në internim nga ky njeri. Është skandaloz dhe i paprecedentë. Jam i revoltuar. Nusja ime ka lindur në internim, familja e saj ka qenë e internuar dhe s’ka gjetur ende eshtrat e gjyshit. Kur kujtojmë këto monstra, të vjen kjo lloj neverie. Në demokraci glorifikohen të njëjtat monstra. Një nga shokët e mi është internuar nga ky monstër së bashku me 15 familje.

Çmenduria më e madhe, që kam ndier keqardhje, bashkia ka nxjerrë dokumentet që s’ka qenë spiun. Shumë qytetarë që janë internuar nga monstra në fjalë më kanë dërguar dokumente që ka qenë Gjergj Velo ‘ustai’, ai kreu që merrte vendimet. Kryetari i komitetit të dëbimeve. PD sot kemi një propozim, do të ketë një reagim shumë të fuqishëm. Do të dërgoj një shkresë zyrtare nga Kuvendi, Autoritetit të Dosjeve të Sigurimit të Shtetit. Ky nuk ngopej me internim, propozonte që këto familje të internoheshin, pasi kishin veprime armiqësore.

Të shohësh firmën e vulën e një njeriu që të merrnin shpirtin në internim, mendoj se kjo është majft. Akoma s’kanë gjetur eshtrat e s’kanë marrë kompensimet për vuajtjet, këto të internuar, është... s’gjej fjalë e mllef ta përshkruaj se si glofirikohen figura të tilla në Lushnjë.

Ka qenë ithtar i Partisë Komuniste, i epur. Maniak për të dënuar familjet, i kam dëshmitarët e gjallë që janë internuar me propozimet e shkresat e tij. Do të vë në dispozicion të autoriteteve të dosjeve, dokumentet që kam bërë publike, pasi nuk bën sens. Me ç’kurajë kundrejt këtyre njerëzve dalin i japin titull nderi në Lushnjë, është të të fusë thikën në plagë.

Duhet të kishte patjetër një ligj për dekomunistizimin. Në Gjermani s’e mendonin që të kishin në administratë të tyre asnjë nga nazizmi, e kanë dënuar me ligj nga Bundestagu. S’e arrinin ta besonin, se te ne ndodhnin të tilla fenomene. Ne kemi dështuar”,-tha Korreshi./CNA

 





Lajmet e fundit nga