web counter
LEXO PA REKLAMA!

SHKARKO APP

App Store
Google Play

E fundit!

x

"Kontribut të paçmuar për Shqipërinë"/ Rama: Misioni i Venecias dhe demokracia shqiptare, "shokë materniteti"

20 Tetor 2025, 14:41, Politikë CNA

"Kontribut të paçmuar për Shqipërinë"/

Kryeministri Edi Rama ka qenë i pranishëm në konferencën “30 vite partneritet dhe progres: Shqipëria, Këshilli i Europës dhe Komisioni i Venecias”.

Në fjalën e mbajtur, kryeministri vlerësoi rolin e Komisionit të Venecias në historinë e demokracisë shqiptare. Rama deklaroi se Komisioni i Venecias ka kontribut të paçmuar në dy momente kyçe për Shqipërinë, i pari është Kushtetuta e shteti demokratik shqiptar dhe momenti i dytë kontributi për reformën në drejtësi.

Duke u ndalur te procesi i vetingut, kryeministri u shpreh se pa Komisionin e Venecias, do të ishte e pamundur që Shqipëria të ndërmerrte një proces të tillë, pasi kishte kundërshti dhe në rrethet ndërkombëtare.

Partneriteti i Shqipërisë me Komisionin e Venecias, për Ramën është i pazëvendësueshmë dhe do të vijojë.

Në fjalën e tij, kryeminsitri tha se sot shenjohen e+dhe 30 vite nga anëtarësimi i Shqipërisë në Këshillin e Europës.

“Simbolikisht mund të thuhet se misioni i Venecias dhe demokracia shqiptare janë shokë materniteti. Kanë lindur në të njëjtën kohë, në vitin 1990. Demokracia shqiptare si një ëndërr e shumëndërruar që më në fund pa të hapur shtegun e saj. Historia e zhvillimit demokratik në Shqipëri ngushtësisht është e lidhur me influencën e Komisionit të Venecias, që në një vend si Shqipëria në vazhdimësi kanë pasur nevojën e asistencës së Venecias. Sot Komisioni i Venecias ndër të tjera ka në bilancin e vet dhe kontributin e paçmuar dhe për Kushtetutën e parë të shtetit demokratik shqiptar atë të vitit ’98. Ka në bilancin e vet dhe një sërë ndërhyrjesh kur opinioni i Venecias ka luajtur rol vendimtar. Ka dy kontribute kyçe në historinë e demokracisë shqiptare, kontributet për Kodin Zgjedhor dhe nga ana tjetër kontributin historik për reformën më të vështirë që ka bërë Shqipëria, atë në drejtësi. Komisioni ka qenë një bashkudhëtar i pandarë, një rrëfyes i matur dhe një autoritet që na ka ndihmuar të orientohemi gjatë gjithë kohës. Pa kontributin e tij do të kishte qenë e pamundur që Shqipëria të ndërmerrte procesin e vetingut, kyç për reformën në drejtësi. Proces që deri në momentin e opinionit të Komisionit të Venecias kishte jo pak kundërshti në rrethet ndërkombëtare.

Sot nuk është vetëm 35-vjetori i Komisionit të Venecias që në festojnë në Shqipëri. Është dhe një përvjetor tjetër që ka një përkim, është 30-vjetori i anëtarësimit të Shqipërisë në Këshillin e Europës.

Nëse për një moment do të hiqnim KiE dhe Komisionin e Venecias nga panorama e zhvillimit të këtyre 30 viteve, kupton thellësinë e rëndësisë së këtyre dy përvjetorëve për demokracinë e Shqipërisë.

Komisioni i Venecias është një partner i pazëvendësueshmë dhe i heshtur i Shqipërisë, që do të vazhdojë të jetë një pikë referimi për të kuptuar se çfarë duhet të bëjmë më mirë, në momentet e dilemave në reformat e ndryshimeve”, tha Rama.

 

Në fjalën e mbajtur, një falënderim të veçantë Rama e pati për përfaqësuesin e Komisionit të Venecias, Gianni Buquicchio, për të cilin tha se ka pasur një durim të jashtëzakonshëm me shqiptarët.

 

“Falënderim për Gianni Buquicchio për durimin e jashtëzakonshëm që ka pasur dhe tregon se sa shumë nevojë ka për durim kur ke të bësh me ne shqiptarët”, tha Rama./CNA





Lajmet e fundit nga