web counter
LEXO PA REKLAMA!

SHKARKO APP

App Store
Google Play

Raporti i veprimtarisë së DAP për vitin 2024/ Pirdeni: Synojmë riformatimin e modelit të drejtuesve

20 Tetor 2025, 12:45, Politikë CNA

Raporti i veprimtarisë së DAP për vitin 2024/ Pirdeni:

Ministrja e Shtetit për Administratën Publike dhe Antikorrupsionin, Adea Pirdeni, ka prezantuar raportin për veprimtarinë e Departamentit të Administratës Publike për vitin 2024.

Pirdeni në prezantimin e raportit tha se në vitin 2024, shkalla e pranive në sektorin publik arriti në 103%, me 711 punonjës të rinj për vitin që lamë pas.

Ministrja gjithashtu tha se për herë të parë në vitin 2024 u prezantua një paketë motivimi për sektorin publik. Paketë nga e cila deri tani, sipas Pirdenit, janë zbatuar disa nisma, që synojnë rritjen e mirëqenies së administratës.

Më tej, Pirdeni tha se gjatë vitit 2024, DAP ka qenë i angazhuar në rishikimin e dy ligjeve, që lidhen me nëpunësin civil dhe administratën shtetërore. Në paraqitjen e veprimtarisë së DAP për vitin 2024, Pirdeni tha se synohet riformatimi i modelit të drejtuesve të nivelit të lartë.

 

“Shkalla e pranimit vjetor ka arritur në 103%. U rekrutuan 711 punonjës të rinj në sektorin publik. Niveli i zbatimeve të vendimeve të formës së prerë është rritur në 86.6%.

Në vitin 2024 prezantuam për herë të parë një paketë motivimi për sektorin publik, e mbështetur në 4 shtylla kryesore. Tashmë janë zbatuar disa nisma të kësaj pakete, me qëllim rritjen e mirëqenies së punonjësve të administratës publike.

DAP ka qenë i angazhuar në rishikimin e dy ligjeve, atë për nëpunësin civil dhe për administratën shtetërore.

Synojmë riformatimin e modelit të drejtuesve të nivelit të lartë. Po kryejmë një hartëzim të plotë të të gjitha kapaciteteve tona për t’ia dalë në kohë anëtarësiminit në BE brenda vitit 2027.

Shqipëria është përfshirë në rrjetin më të rëndësishëm të partneritetit administrativ”, deklaroi Pirdeni./CNA





Lajmet e fundit nga