web counter
LEXO PA REKLAMA!

SHKARKO APP

App Store
Google Play

E fundit!

x

EPP Women miraton rezolutën/ Vokshi: Institucionet europiane të mos e tolerojnë dhunën politike

19 Tetor 2025, 11:59, Politikë CNA

EPP Women miraton rezolutën/ Vokshi: Institucionet europiane të mos e

Forumi i Grave të Partisë Popullore Europiane ka miratuar një rezolutë kundër dhunës ndaj grave në politikë dhe jetën publike, me nismën e deputetes demokrate, Albana Vokshi. Rezoluta e EPP Women thekson se dhuna ndaj grave nuk është thjesht “çështje gjinore”, por një sulm ndaj demokracisë.

Dokumenti nënvizon se “Dhuna ndaj grave në politikë nuk është vetëm një tragjedi individuale, por një sulm sistematik ndaj demokracisë. Ajo i largon nga jeta publike gratë me integritet dhe vlera demokratike, duke lënë hapësirë për rrjete oligarkike dhe kriminale që nuk përfaqësojnë të drejtat e grave.”

EPP Women i kërkoi Partisë Popullore Europiane dhe institucioneve të Bashkimit Europian të mbështesin rezolutën dhe të riafirmojnë se dhuna ndaj grave në politikë është një sulm i drejtpërdrejtë ndaj demokracisë.

Në një reagim të saj, deputetja Albana Vokshi u shpreh se institucionet europiane duhet të mos e tolerojnë dhunën politike.

“Thirrja drejtuar institucioneve europiane është e qartë: të mos tolerojnë dhunën politike si mjet për të dobësuar opozitën dhe demokracinë. Ky dokument nuk është vetëm një dënim i hapur i praktikave të dhunshme dhe intimidimit politik, por një apel që Bashkimi Europian të jetë më kërkues ndaj standardeve demokratike në vendet kandidate si Shqipëria. Nëse dhuna ndaj grave në politikë tolerohet, demokracia mbetet vetëm në letër. Mesazhi është i fortë: demokracia nuk mund të ekzistojë kur kërcënimi dhe sulmi ndaj grave synojnë të heshtin opozitën”, u shpreh Vokshi. 

Forumi i grave të qendrës së djathtë europiane EPP Women, i cili u zhvillua në Larnaka, Qipro, e konsideron mbështetjen e rezolutës si një test për vlerat mbi të cilat ngrihet Bashkimi Europian. /CNA





Lajmet e fundit nga