web counter
LEXO PA REKLAMA!

SHKARKO APP

App Store
Google Play

E fundit!

x

“Krimi po rrezikon qytetarët e Sarandës”/ Zhupa: Ministria e Brendshme të marrë masa

19 Tetor 2025, 11:23, Politikë CNA

Deputetja e Partisë Demokratike, Ina Zhupa është shprehur se ngjarjet kriminale janë bërë të vazhdueshme në Sarandë.

Zhupa thotë në reagimin e saj, se që nga sezoni turistik edhe deri tani vijojnë ngjarjet kriminale që po rrezikojnë jetën e qytetarëve në Sarandë.

Deputetja i bën thirrje ministrisë së Brendshme që përmes Policisë së Shtetit të rrisë monitorimin për të parandaluar ngjarjet kriminale në këtë qytet.

“Ngjarjet e vazhdueshme kriminale janë bërë refren në qytetin e Sarandës, ku që nga sezoni turistik por dhe tani në muajt e parë të vjeshtës vazhdojnë më rrëmbime, plagosje, vrasje, shpërthime, të cilat rrezikojnë jeten e banorëve të qytetit të Sarandës.

Si deputete e Sarandës kam ndarë shpesh shqetësimin publik për këtë gjëndje, duke i kërkuar Ministrisë së Brëndshme nëpërmjet strukturave të policisë së shtetit të reagojë. Të vër në kontroll dhe të monitoroj terrenin në qytetin e Sarandës.

Duhet që Policia e Shtetit të reagoj për të parandaluar ngjarjet, për të qenë ajo pararendëse e asaj që do të ndodhi në Sarandë dhe jo për të numëruar viktimat mbasi ngjarja ka ndodhur”, tha Zhupa. /CNA





Lajmet e fundit nga