web counter
LEXO PA REKLAMA!

SHKARKO APP

App Store
Google Play

E fundit!

x

PD mohon rregullin: Nuk është dhënë asnjë urdhër për bojkotin e protestës në mbështetje të UÇK-së

17 Tetor 2025, 21:03, Politikë CNA

PD mohon rregullin: Nuk është dhënë asnjë urdhër

Partia Demokratike ka mohuar të ketë dhënë urdhër që u ndalon pjesëmarrjen në protestën e UÇK-së përfaqësuesve dhe mbështetësve të saj.

Përmes një deklarate nga zyra e shtypit e PD-së, theksohet se e gjitha është vetëm një spekulim dhe është ritheksuar mbështetja ndaj protestës së sotme.

“Partia Demokratike nuk ka dhënë asnjë urdhër, verbal apo me shkrim, që përfaqësues apo mbështetës të saj, të mos jenë në mitingun mbështetës për ish-krerët e UÇK-së, në proces gjyqësor në Hagë.

Spekulimi banal i ndonjë medieje se ky urdhër ekziston është pjesa e skenarit të përhershëm anti-opozitar te Ramaduros dhe Partia Demokratike e hedh poshtë si të tillë.

Siç theksohet në deklaratën e Partisë Demokratike të sapo hedhur dhe në qëndrimet e ditëve të fundit dhe të përhershme të kryetarit të saj, Berisha, kauza e UÇK, lufta e saj dhe e popullit shqiptar të Kosovës, janë jo vetëm të drejta, por edhe pjesë e nderit të përjetshëm të kombit dhe çështjes kombëtare shqiptare”,-thuhet në deklaratë./CNA





Lajmet e fundit nga