web counter
LEXO PA REKLAMA!

SHKARKO APP

App Store
Google Play

E fundit!

x

“Kam mirëkuptimin e Berishës”/ Mediu: I vetmi opozitar në protestën për UÇK-në

17 Tetor 2025, 15:34, Politikë CNA

“Kam mirëkuptimin e Berishës”/ Mediu: I vetmi opozitar

Kreu i Partisë Republikane, Fatmir Mediu, deklaroi sot se do të jetë i vetmi përfaqësues nga opozita në protestën për drejtësi ndaj ish-krerëve të UÇK-së.

I ftuar në "A2CNN", Mediu tha se për këtë pjesëmarrje ka mirëkuptimin e plotë të kryedemokratit Sali Berisha.

Mediu u shpreh se në protestën e sotme merr pjesë si qytetar në radhë të parë, e më pas prej rolit si politikan.

“Unë besoj që jam konstant në qëndrimet e mia politike për më shumë se 30 vjet. Partia Republikane qëndron në tri themele kryesore. Para është kombi, pastaj është në mënyrë të padiskutueshme besimi dhe prona private. Dhe Partia Republikane që në kohën e zotit Godo ka qenë goxha e angazhuar për sa i përket pavarësisë së Kosovës me peticione, me angazhime. Kemi bërë një peticion për Kosovën në vitin 1991. Kemi bërë po ashtu një peticion për të dërguar Milosheviçin në Hagë për gjenocidin serb në Kosovë.

Kemi qenë pjesë aktive gjatë luftës çlirimtare të Kosovës në politikën shqiptare, në aktivitete të ndryshme, por edhe në Shtetet e Bashkuara të Amerikës me mbledhje fondesh po ashtu edhe me batalionin e Atlantikut dhe kemi krijuar një raport me këta drejtues të UÇK-së, të cilët besoj nuk janë thjesht historia e tyre personale, por historia e Kosovës.

Unë kam marrë një pozicion që në raportet e mia politike, por dhe personale, do të jem sot në atë tubim, i cili organizohet për mbështetjen e drejtuesve të Ushtrisë Çlirimtare të Kosovës. Do të kisha dëshirë të kisha dhe kolegë të tjerë të Partisë Demokratike. Kam diskutuar dhe kam gjetur mirëkuptimin edhe me zotin Berisha për pjesëmarrjen time në këtë pikëpamje. Nuk është se ndonjëherë zoti Berisha ka tentuar të imponojë një qëndrim të vetin dhe pa dyshim këtë diskutim mund ta kishin bërë dhe kolegë të tjerë të Partisë Demokratike me zotin Berisha.

Patjetër si qytetar se si ju unë jam qytetar në radhë të parë. Thjesht si qytetar. Unë do të jem, pa dyshim që unë jam dhe politikan dhe kam thënë edhe dje se do të jem kudo ku diskutohet për Kosovën dhe do të bëj çdo gjë që është e mundur për të mirën e Kosovës, sepse e bëj për kombin tim dhe e bëj për interesat e shqiptarëve”,-tha Mediu./CNA





Lajmet e fundit nga