E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

"Djali i Begajt punonjësi i katërt me pagën më të lartë"/ Bardhi: Presidenti nuk mund të ushtrojë detyrë tjetër

16 Tetor 2025, 21:38, Politikë CNA

"Djali i Begajt punonjësi i katërt me pagën më të

Kryetari i Grupit Parlamentar të Partisë Demokratike, Gazment Bardhi i ftuar në emisionin "Opinion" me gazetarin Blendi Fevziu ka ripërsëritur edhe një herë akuzat për presidentin Bajram Begaj.

Bardhi tha se presidenti paguhet nga një kompani private kur Kushtetuta e përcakton që nuk mund të ushtrojë një detyrë tjetër dhe djali i presidentit është punonjësi i katërt me pagën më të lartë.

"Presidenti paguhet nga një kompani private dhe që merr si konsultën të caktuar kur ka klient. Presidenti deklaron se merr të ardhura nga kjo kompani si mjek. Kushtetuta të thotë që Presidenti nuk mund të ushtrojë aktivitete të tjera private.

I biri ka një histori tjetër që është e mirëfillti korruptive. Djali i Presidentit jeton jashtë vendit dhe është i deklaruar dhe ne kemi prova dhe është i deklaruar se është i punësuar si ndihmës mjekë në një klinkë private në Gjermani. Njëkohësisht, djali i presidentit pretendon se punon dhe në një kompani sigurimesh në Shqipëri dhe kompania e paguan djalin e presidentit.

Tani se çfarë lidhje ka një mjek me kompninë e sigurimeve. Kjo kompani ka përfituar 100% prokurimet publike në institucionin e presidentit. Djali i presidentit, 23 vjeç, është punonjësi i 4 me pagën më të madhe, pagë më të lartë se ai ka drejtoi dhe dy zëvendësdrejtorët e kompanisë. Është në mënyrë permanente në konflikt interesi dhe kjo është në shkelje të kushtetutës dhe ligjit”,-tha Bardhi.

Kreu i Grupit Parlamentar të PD-së tha se do të bëjë kallëzim penal ndaj Begajt për privatizimin e një porti ushtarak që është nën hetim nga SPAK.

"Do bëjmë kallëzim penal ndaj presidentit. Ka privatizuar për vete toaktë e ushtrisë. Po ndërton tre vila.. Unë i verifikojë para se ti publikoj ato që them. Ne kemi targetuar Edi Ramën jo Begajn. Rama e përdor atë. Di që Presidenti është i përfshirë në një aferë në një port ushtarak që është në hetim nga SPAK dhe di që ajo çështje vazhdon, shtoi Bardhi./CNA