web counter
LEXO PA REKLAMA!

SHKARKO APP

App Store
Google Play

E fundit!

x

Reforma territoriale dhe zgjedhore/ Zbardhen amendamentet e PD-së për projektvendimin e ngritjes së dy komisioneve

16 Tetor 2025, 13:47, Politikë CNA

Reforma territoriale dhe zgjedhore/ Zbardhen amendamentet e PD-së për

Partia Demokratike ka kërkuar të bëhen disa ndryshime në projetkvendimet për ngritjen e Komisionit të Posaçëm për Reformën Territoriale dhe Komisionit për Reformën Zgjedhore.

Demokratët kanë kërkuar barazi mes mazhorancës dhe opozitës në përbërjen e komisioneve. Gjithashtu kërkojnë që pjesë e komisioneve me ekspertizë të jenë edhe institucionet ndërkombëtare.

Njoftimi i PD-së:

Partia Demokratike ka kërkuar ndryshime në vendimin për ngritjen e Komisionit të Posaçëm për Reformën Zgjedhore dhe Komisionit të Posaçëm për Reformën Territoriale. Duke iu referuar traditës parlamentare dhe rëndësisë që kanë këto dy reforma, demokratët kërkojnë barazi mes pozitës dhe opozitës.

Përkatësisht, për reformën zgjedhore kërkohet që komisioni të përbëhet nga 16 anëtarë, ku:

* 8 i përkasin Partisë Socialiste,

* 6 Partisë Demokratike,

* dhe nga 1 përfaqësues  nga grupi parlamentar “Aleanca për Ndryshim” dhe grupin parlamentar të Partisë së Lirisë.

I njëjti parim kërkohet të zbatohet edhe për Komisionin e Posaçëm për Reformën Territoriale. Gjithashtu, kërkohet që pjesë me ekspertizë të jenë institucionet ndërkombëtare, përfshirë këtu Kongresin e Autoriteteve Lokale dhe Rajonale të Këshillit të Europës.

Po ashtu, për çështje të veçanta për të cilat palët nuk arrijnë konsensus, propozohet që ato t’i drejtohen Komisionit të Venecias dhe Kongresit të Autoriteteve Lokale dhe Rajonale në Këshillin e Europës. /CNA

Reforma territoriale dhe zgjedhore/ Zbardhen amendamentet e PD-së përReforma territoriale dhe zgjedhore/ Zbardhen amendamentet e PD-së për





Lajmet e fundit nga