web counter
LEXO PA REKLAMA!

SHKARKO APP

App Store
Google Play

Berisha telendis Bidon: Falsifikator, duhet të kesh fytyrën tënde të transformosh brenda 1 minute deklaratën

16 Tetor 2025, 11:59, Politikë CNA

Berisha telendis Bidon: Falsifikator, duhet të kesh fytyrën tënde

Kreu i PD-së, Sali Berisha, ka telendisur keq deputetin socialist, Ardit Bido, duke e quajtur falsifikator, pasi tentoi të shtrembëronte deklaratën që lideri i opozitës bëri në lidhje me gjenocidin serb në Kosovë.

Berisha tha se duhet të kesh fytyrën e Bidos që të transformosh një deklaratë brenda 1 minute.

“Kam dy replika zoti Peleshi, sepse deputeti që vjen gjoja nga studimi, pati atë që nuk mund ta bëjë kurrë një njeri, të trillojë, të shpifë dhe të atribuojë atë që nuk e thashë kurrë. E turpshme për ty Ardit Bido.
Turp të kesh, turp të të vijë, falsifikator. Këtu para jush unë thashë, se edhe sikur shqiptarët të kishin kryer kryer gjenocid kundër serbëve, kundër maqedonasve, sikur ta kishin kryer, unë do ta dënoja.
Gjenocidi, vrasja për çështje etnike, është krimi më i dënueshëm, më i shëmtuar.
Nuk thashë kurrë se ka ndodhur. Duhet të kesh fytyrën tënde që të transformosh brenda 1 minute një deklaratë.
Nuk të them gjë më shumë se kaq. Por të dish një gjë, nuk ka ndodhur në historinë 32-vjeçare të këtij parlamenti një akt i tillë.
Kanë ndodhur shumë akte, por të transformosh brenda 1 minute deklaratën e tjetrit në të kundërt, e bën vetëm ti. Ti qofsh”, tha Berisha./ CNA





Lajmet e fundit nga