web counter
LEXO PA REKLAMA!

SHKARKO APP

App Store
Google Play

Gjenocidi në Kosovë shkakton debat/ Bardhi: Kuvendi nuk mund të jetë për të plotësuar dëshirat e Ballës

16 Tetor 2025, 11:13, Politikë CNA

Gjenocidi në Kosovë shkakton debat/ Bardhi: Kuvendi nuk mund të

Votimi për mocionin për debat në lidhje me gjenocidin serb në Kosovë ka shkaktuar debat në seancë plenare. Me propozimin e Grupit Parlamentar të PS-së dhe votat e mazhorancës, u vendos që kërkesa e grupit parlamentar të PD-së të votohet në fund të seancës plenare.

“Shtyhet në fund të seancës votimi për këtë pikë. Pranohet propozimi i PS-së, votimi do të zhvillohet në fund”, tha Peleshi.

Ndërkohë kreu i grupit të PD-së, Gazment Bardhi, doli kundër vendimit dhe tha se Kuvendi nuk mund të shërbejë për të plotësuar dëshirat e Taulant Ballës.

"Sa herë ka propozim pala tjetër duhet të japë mendimin e vet mbi propozimin. Nuk kemi nevojë të lexojmë letra që na vijnë nga Taulant Balla. Kemi lexuar mjaftueshëm përgjime të SKYECC për të kuptuar cilësinë e letrave që do të na servirë Taulant Balla.

Ai mund të ngrihet dhe të thotë s'ka debat, do të votojmë. Sot mund të thotë s'ka dhe votim fare, nesër thotë do ta mbyllim fare Kuvendin. Por Kuvendi nuk mund të kthehet për të plotësuar dëshirat e Taulant Ballës. Ose luani rolin e kryetarit të Kuvendit ose lirojëni atë karrige. Nëse nuk e mbani dot atë karrige, jua thashë dhe dje lirojeni, tha Bardhi. /CNA





Lajmet e fundit nga