web counter
LEXO PA REKLAMA!

SHKARKO APP

App Store
Google Play

E fundit!

x

Berisha, akuza PS-së: Mosdënimi i gjenocidit serb në Kosovë ju bën bashkautorë në krim

16 Tetor 2025, 11:04, Politikë CNA

Berisha, akuza PS-së: Mosdënimi i gjenocidit serb në Kosovë

Kryetari i PD-së, Sali Berisha, ka marrë fjalën në Kuvend, ku foli lidhur me kërkesën për dënimin e gjenocidit serb në Kosovë. Berisha akuzoi mazhorancën se po mohojnë këtë gjenocid për shkak se, sipas tij, kryeministri Edi Rama është mik i presidentit serb, Aleksandër Vuçiç. Duke mos votuar dënimin e gjenocidit, Berisha tha se socialistët bëhen bashkautorë në krim dhe sillen si njerëz pa ndërgjegje njerëzore.

"Gjatë periudhës 1998-1999 forcat barbare serbe kryen në Kosovë rreth 100 masakra. Ata nuk janë joshqiptarë, por ata nuk janë njerëz. Të mohosh gjenocidin serb në Kosovë, do të thotë të jesh qenie pa ndërgjegje, as njerëzore dhe as kombëtare. Si mund të transformoni gjakun tuaj? Keni në familjen tuaj njerëz që kanë luftuar. A mundet një shqiptar të shkelmojë mbi gjakun e Kosovës? E bëni sepse kreu juaj është argati i Vuçiç-it. Por çfarëdo kombi t'i përkisnin, ndaj gjenocidit duhet t'i qëndroni. Vrasja e civilëve për shkaqe etnike është gjenocid.

Gjenocidi serb i Kukësit është i stampuar në traktatet themelore të gjenocideve në botë. Çfarë ju shtyn të jeni kaq të pandjeshëm, ndaj një çështjeje më thelbësore në ndërgjegjen e njeriut? Ku e gjeni forcën të shkelmoni mbi gjakun e njerëzve. Edhe serbë e maqedonas po të ishin do të votoja po ta kishin bërë shqiptarët. Ju bëheni bashkautorë në krime monstruoze. Ju shpreheni jo sikur s'jeni shqiptar' por sikur jeni ultranacionalistë serbë të verbër", tha Berisha. /CNA





Lajmet e fundit nga