web counter
LEXO PA REKLAMA!

SHKARKO APP

App Store
Google Play

Balla paralajmëron opozitën: Nuk do të pranojmë asnjë kërkesë nëse nuk është brenda rregullores

16 Tetor 2025, 10:29, Politikë CNA

Balla paralajmëron opozitën: Nuk do të pranojmë asnjë

Kreu i Grupit Parlamentar të Partisë Socialiste, Taulant Balla, ka marrë fjalën në seancën e sotme plenare. Duke iu drejtuar PD-së, Balla tha se mazhoranca nuk do të miratojë asnjë mocion të tyrin për debat nëse nuk është brenda rregullores së Kuvendit. Ai u shpreh se tri kërkesat e fundit të dërguara nga Grupi Parlamentar i PD-së janë të mangëta dhe të pabazuara në rregullore.

"Rregullorja e Kuvendit, sa u përket mocioneve, është shumë e qartë. Kam përpara kërkesën e parë që kemi për të shqyrtuar. Kjo vjen nga Grupi Parlamentar i PD-së, dhe kërkon qindra çështje brenda njërës. Kërkon bilancin e qeverisë nga 2013-2025. Duam thotë, edhe një çështje që ka të bëjë më programin politik qeverisës në vijim. Do ta kemi një debat pas pak javësh për ecurinë e procesit të integrimit europian. Quajeni mocion me debat, si të doni. Në muajt janar-shkurt qeveria do të sjellë në Kuvend ecurinë e integrimit në BE. Pastaj shkojmë te çështjet e kriminalizimit, besimit të qytetarëve, institucionet publike dhe madje marrëdhëniet e shtetit shqiptar me partnerët ndërkombëtarë.

Të tria këto kërkesa që do t'i shqyrtojmë sot i keni bërë vetë të mangëta dhe të pabazuara në rregulloren e Kuvendit. Sepse nuk doni vetë të bëni debat. Nuk mund të pranoj asnjë kërkesë që bie në kundërshtim me rregulloren e Kuvendit. Mund të shkosh edhe nëpër ndonjë studio dhe të bësh ndonjë gabim. Në kurrë nuk duam të vuani ju çfarë kemi vuajtur ne në opozitë. Këto kërkesa ose do t'i vini sipas rregullores ose s'do të keni asnjëherë dakordësi. Do të miratojmë çdo kërkesë që nuk sjell këtu thashetheme tryezash", u shpreh Balla. /CNA





Lajmet e fundit nga