web counter
LEXO PA REKLAMA!

SHKARKO APP

App Store
Google Play

Nisma për shkarkimin e Begajt/ Presidenca i përgjigjet PD-së: Pretendime të pavërteta

15 Tetor 2025, 16:14, Politikë CNA

Presidenca ka reaguar në lidhje me nismën e Partisë Demokratike për shkarkimin e presidentit Bajram Begaj.

Në një njoftim për mediat, Presidenca shprehet se Prsesidenti i Republikës nuk komenton nismat politike të asnjërës palë.

Më tej në njoftim thuhet se presidenti ushtron detyrën i pandikuar nga sulmet për interesa publike.

Gjithashtu në njoftimin e Presidencës, thuhet se Presidenti i Republikës pret që Parlamenti të hetojë me transparencë të plotë pretendimet e PD, që sipas Presidencës janë të pavërteta.

 

Deklarata e Presidencës

Publiku është njohur sot me një nismë të Partisë Demokratike për fillimin e procedurës parlamentare për shkarkimin nga detyra të Presidentit të Republikës.

Presidenti i Republikës nuk komenton nismat politike të asnjerës palë, sepse një gjë e tillë nuk përputhet me neutralitetin e funksionit të lartë kushtetuese. Ai ka zgjedhur të ushtrojë mandatin presidencial, i pandikuar në asnjë rrethanë nga sulmet për interesa politike, apo nga fabrikimi i të pavërtetave për konsum publik.

Presidenti i Republikës respekton të gjitha institucionet e tjera kushtetuese, edhe kur ato marrin pozicione të kundërta me pozicionet që mban Presidenti i Republikës në ushtrim të detyrës së tij kushtetuese.

Procedura për shkarkimin e Presidentit të Republikës nga detyra është instrument kushtetues i Parlamentit. Parlamenti është i lirë dhe sovran ta ushtrojë sa herë që e gjykon të përligjur.

 Presidenti i Republikës ndjehet i obliguar t’i përgjigjet parlamentit me gjithë seriozitetin dhe ndershmërinë që imponon kjo procedurë.

Grupi parlamentar i Partisë Demokratike ka promovuar sot nismën e tij duke publikuar pretendime rreth fakteve që nuk janë të vërteta.

 Presidenti i Republikës pret që Parlamenti të hetojë rreth tyre me profesionalizëm dhe transparencë të plotë. Kjo nuk duhet bërë si obligim ndaj postit të lartë të Kreut të Shtetit por si detyrim ndaj të vërtetës dhe  interesit të publikut./CNA





Lajmet e fundit nga