web counter
LEXO PA REKLAMA!

SHKARKO APP

App Store
Google Play

E fundit!

x

Reforma territoriale dhe zgjedhore/ Konferenca e Kryetarëve miraton ngritjen e dy komisioneve të posaçme

15 Tetor 2025, 12:37, Politikë CNA

Reforma territoriale dhe zgjedhore/ Konferenca e Kryetarëve miraton

Konferenca e Kryetarëve ka miratuar në mbledhjen e zhvilluar ditën e sotme dy projektvendimet e propozuara nga PS-së për ngritjen e dy komisioneve të posaçme, atë për reformën administrativo-territoriale dhe atë për realizimin e reformës zgjedhore. 

“Për pikën e dytë dhe të tretë të rendit të ditës që ishte shqyrtimi i kërkesës së një grupi deputetësh të Grupit Parlamentar të Partisë Socialiste “Për ngritjen e Komisionit të Posaçëm Parlamentar të Kuvendit të Shqipërisë për Realizimin e Reformës Zgjedhore” dhe shqyrtimi i kërkesës “Për ngritjen e Komisionit të Posaçëm Parlamentar të Kuvendit të Shqipërisë për Reformën Administrativo-Territoriale në Republikën e Shqipërisë”, Konferenca e Kryetarëve arriti dakordësinë dhe miratoi dy kërkesat në fjalë.”, thuhet në njoftimin e Kuvendit.

Në mbledhjen e sotme u miratua edhe kërkesa e Kryetarit të Komisionit të përhershëm për Bujqësinë, Ushqimin dhe Zhvillimin Rural “Për ngritjen e 3 (tre) nënkomisioneve pranë Komisionit për Bujqësinë, Ushqimin dhe Zhvillimin Rural”.

Ndërkohë, bëhet me dije se nuk u miratua pika e parë e rendit të ditës e cila ishte shqyrtimi i projektprogramit të punës së Kuvendit për periudhën 20 tetor – 28 nëntor 2025 dhe shqyrtimi i projektkalendarit të punimeve të Kuvendit për periudhën 20 tetor – 7 nëntor 2025. /CNA

 





Lajmet e fundit nga