web counter
LEXO PA REKLAMA!

SHKARKO APP

App Store
Google Play

Pas lajthitjes, Gaz Bardhi debate në Konferencën e Kryetarëve

15 Tetor 2025, 10:17, Politikë CNA

Pas lajthitjes, Gaz Bardhi debate në Konferencën e Kryetarëve

Pas lajthitjes së një dite më parë ku në pah i doli mashtrimi, ku sipas tij opozitës i ishte hequr e drejta e fjalës dhe nuk ishte lejuar të shkojë të përfaqësohet në Gjykatën Kushtetuese për çështjen e mbarimit të mandatit të gjyqtarit të Kushtetueses, ndërkohë që vetë Kushtetuesja kishte bërë me dije se do të ishte një seancë më dyer të mbyllura, Gaz Bardhi ka debatuar në mbledhjen e Konferencës së Kryetarëve.

Bardhi është hedhur në sulm ndaj kryetarit të Kuvendit, Niko Peleshi, duke thënë se opozita nuk ka vend në një Kuvend që diktohet nga forcat e kartonëve.

“Ajo çfarë keni bërë me seancën e fundit është shkelje e rregullores dhe e Kushtetutës. Po e citoj këtu: 'Kërkoi ndërprerjen e seancës për shkak se po merrej fjala për procedurë.'

Zoti Peleshi, ju keni marrë përsipër të drejtoni Kuvendin. Nëse Kuvendi drejtohet nga kryetari i grupit, na e thoni, sepse opozita nuk ka vend në një Kuvend që diktohet nga forcat e kartonëve. Nuk mund ta mbyllni Kuvendin pse deputetët po flasin.

Seanca e datës 9 tetor është mbyllur sepse deputetët po flisnin. E kuptoj që në atë Kuvend ka deputetë që forcën e marrin nga krimi i organizuar dhe mendojnë se mund të mbyllin gojën e të tjerëve. Ta harrojnë! Ne nuk marrim urdhra dhe as nuk diktohemi nga krimi i organizuar.

Po e përsëris: ta harrojnë! Nëse ju, zoti Niko Peleshi, nuk e mbani dot atë karrige, lirojani kryetarit të grupit që e keni aty me votat e krimit të organizuar”, ka thënë Bardhi në mbledhjen e Konferencës së Kryetarëve./ CNA





Lajmet e fundit nga