web counter
LEXO PA REKLAMA!

SHKARKO APP

App Store
Google Play

“Dale, një sekondë, mos u mërzisni, se shkoi ora e pilafit”/ Korreshi ndërpret mbledhjen, gajasen deputetët

14 Tetor 2025, 15:16, Politikë CNA

“Dale, një sekondë, mos u mërzisni, se shkoi ora e

Deputeti demokrat, Saimir Korreshi, ishte sot i pranishëm në Komisionin e Çështjeve Ligjore.

Veç diskutimeve aktive gjatë mbledhjes, Korreshi nuk ka ngurruar të bëjë edhe batuta, që jo pak herë i bëri deputetët e pranishëm të qeshin me njëri-tjetrin.

Në mbledhjen e sotme Korreshi vijoi komunikimet me kreun e Komisionit, Ulsi Manja, dhe deputetët socialistë e demokratë, teksa në një moment bëri një ndërprerje të mbledhjes në një mënyrë jo të zakontë.

“Do ta nis nga Fieri, se e ke transferuar në këtë qytet hartën e re. Më lejo që ta nis nga Fieri këtë herë. I nderuar zoti prokurori, po më dukeni një magazinier, pa magazinë. Sepse dukeni sikur keni rolin e inventarizuesit, por s’bën dot hyrje dhe dalje. Sot meqë kemi bonus për t’u shprehur, pyetja ime do të ishte e drejtë; a sheh prokurori i përgjithshëm për të marrë pak kompetenca, jo ato të heqjes dhe vënies së prokurorive, se s’të lënë KLD-ja. Pra, të gjendet një e mesme.

Perceptimi i shqiptarëve për reformën në drejtësi duket se është SPAK, por për mua kjo reformë ka dështuar. Ne kemi më shumë të dënuar për vepra penale, qoftë dhe kundërvajtjet, duke cenuar jetën e të rinjve. A duhet të kemi ne ndërhyrje në ligjin për Prokurorin e Përgjithshëm, që jo të kthehet atje ku ishte, por kompetenca kontrolluese ndaj prokurorëve më të ulët. Duket sikur është vanitur kompetenca e kryeprokurorit. A keni konstatuar ju apo ju kanë thënë shoqata e avokatëve, që mërziten prokurorët kur bën memo, kur kërkon rikthimin e çështjeve.

A ju ka qëlluar që të dënohen për dhunë në familje, të dënohen me paragrafin 4. Pra, deklaron gruaja që në sy të fëmijës 1 muajsh, u qëllua me pëllëmbë nga burri. E pa fëmija 1 muajsh. Ti mos u mërzit, se ti prokuror ke qenë. Meqë qeveria ka ndërmend të votojë ligjin për hashashin, dënohet njeriu për 1 cigare hashash dhe një tjetër për 1 ton del nga burgu. Ça bëhet me këto raste?! A nuk duhet të kemi një parim? Zoti Ulsi, mos u mërzisni. Nuk mërzitem unë që jam hero dhe jo ti që je armik. Dale, një sekondë, mos u mërzisni, se shkoi ora e pilafit. Kaq kisha”,-tha Korreshi./CNA

 

 

 

 

 





Lajmet e fundit nga