web counter
LEXO PA REKLAMA!

SHKARKO APP

App Store
Google Play

E fundit!

x

Komisioni për Burimet Natyrore/ Ministri i Mjedisit prezanton projektligjin për menaxhimin e mbetjeve

14 Tetor 2025, 10:28, Politikë CNA
Komisioni për Burimet Natyrore/ Ministri i Mjedisit prezanton projektligjin
Sofjan Jaupaj

Komisioni për Burimet Natyrore, Infrastrukturën dhe Zhvillimin e Qëndrueshëm po zhvillon mbledhjen e radhës ku në rend dite ka projektligjin “Për menaxhimin e integruar të mbetjeve”.

Ministri i Mjedisit, Sofjan Jaupaj, në nisje të mbledhjes ka prezantuar projektligjin për të cilin tha se është krijuar pas 3 vitesh pune në bashkëpunim me ekspertë të Bashkimit Europian dhe qeverisë suedeze.

Sipas tij, projektligji reflekton standardet europiane në përputhje me kërkesat e kapitullit 27, më i rëndësishmi për integrimin europian të vendit.

Ministri u shpreh se me modelin e ri të menaxhimit, mbetjet do të bëhen burim për ekonominë. Jaupaj shprehet se përfundimi i të gjitha investimeve për trajtimin e mbetjeve do të jetë deri në vitin 2028.

"Projektligji për menaxhimin e integruar të mbetjeve është një akt themelor për të ardhmen mjedisore. Nuk është një projektligj i shkruar vetëm nga Ministria e Mjedisit, por është fryt i një pune 3-vjeçare intensive i kryer në bashkëpunim me ekspertë të BE-së dhe qeverisë suedeze. Normalisht edhe ekspertizë financiare dhe institucionale nga partnerët ndërkombëtarë. Në 3 vite janë zhvilluar disa raunde diskutimesh, tryeza publike dhe institucionale dhe projektligji reflekton standardet më të larta të BE-së në përputhje me kërkesat e kapitullit 27 për mjedisin dhe ndryshimet klimatike. Ky është kapitulli më i rëndësishëm për integrimin europian.

Raporti i BE-së ka theksuar nevojën për një kuadër të ri ligjor për menaxhimin e mbetjeve. Ligji që kemi aktualisht në fuqi është 34% i përafruar me direktivat e Bashkimit Europian. Në dekadën e fundit, në disa rajone të vendit janë ndërtuar landfille sipas direktivave të BE-së. Sfida aktualisht mbetet reduktimi i sasisë së mbetjeve në burim, një proces që nuk lidhet vetëm me teknologjinë dhe infrastrukturën, por me kulturën e qytetarëve dhe biznesit.

Projektligji i propozuar krijon një infrastrukturë ligjore dhe institucionale që do të përmbushë standardet europiane. Nëpërmjet organizimit të territorit në 10 zona menaxhimi krijon kushtet për investime insfrastrukturore madhore, hap aksesin në mekanizmat e financimit europian dhe vendos stardard të ri në bashkëpunimin vendor.

Nëpërmjet projektligjit, promovojmë nga një model linear 'provo, përdor, hidh' në një ekonomi qarkulluese nga ku mbetjet bëhen burim për ekonominë. Projektligji krijon operatorin kombëtar për trajtimin e mbetjeve që do të koordinojë gjithë sistemin kombëtar të trajtimit të mbetjeve. Finalizimi i pritshëm i të gjitha investimeve do të jetë deri në vitin 2028. Projektligji bën një ndarje të qartë të përgjegjësisë të menaxhimit në nivel vendor dhe qendror", tha ndër të tjera ministri. /CNA





Lajmet e fundit nga