web counter
LEXO PA REKLAMA!

SHKARKO APP

App Store
Google Play

E fundit!

x

Procesi i anëtarësimit të Shqipërisë/ Eksperti i integrimit: Problem mbeten kapacitetet teknike në çështje specifike

13 Tetor 2025, 21:22, Politikë CNA

Procesi i anëtarësimit të Shqipërisë/ Eksperti i

Eksperti i integrimit, Gledis Gjipali komentoi sot vijimin e proceseve integruese të Shqipërisë në BE, teksa këtë të hënë Tiranën e vizitoi shefja e BE-së, Von Der Leyen.

Në një intervistë në ‘Syri Tv’, Gjipali tha se sido që të shkojë procesi, do të ketë ndikim të të gjithë qytetarët shqiptarët.

Gjipali theksoi se në këtë drejtim, kapacitetet teknike në disa çështje specifike janë një problematikë ekzistuese.

“Futja e standardeve evropiane do të thotë, rritje e kostove dhe rritje e zbatimit të legjislacionit, dy elementë që janë të vështirë për Shqipërinë. Zbatimi për shkak të kulturës së dobët të zbatimit të ligjit dhe rritja e standardeve për shkak të kostos.

Në rast se kemi një proces të shpejtë, do të thotë se kjo rritje të bëhet e menjëhershme dhe kjo ka pasoja, sigurisht për qytetarët shqiptarë.

BE ka instrumente që bën ta zbusë këtë diferencë, për të pasur një proces sa më të qetë dhe më të pranueshëm, që të mos ketë kosto të menjëhershme.

Por këtu kërkohet që, administrata që çon përpara negociatat duhet të jetë shumë e ndërgjegjshme dhe e përgjegjshme për çështjet që diskuton.

Në kriteret politike ka më shumë eksperiencë, sepse janë diskutuar ndër vite edhe pse vullneti politik është diçka tjetër. Por në çështjet specifike, mjedisi, bujqësia, zhvillimi rural ne kemi problem edhe tek kapacitete teknike. Dhe në momentin kur do të kërkohet për t’u negociuar, do të duhet të mbështeten fort në argumente, statistika, plane zhvillimi”,-tha Gjipali./CNA  





Lajmet e fundit nga