web counter
LEXO PA REKLAMA!

SHKARKO APP

App Store
Google Play

E fundit!

x

"Ligji cenon autonominë vendore"/ Bylykbashi: Parashikohen gjoba deri në 40 milionë lekë për qytetarët

13 Tetor 2025, 19:03, Politikë CNA

"Ligji cenon autonominë vendore"/ Bylykbashi: Parashikohen gjoba

Deputeti i Partisë Demokratike, Oerd Bylykbashi deklaroi në Komisionin e Ligjeve se pr.ligji i ri për mbetjet synon të centralizojë menaxhimin e mbetjeve dhe do të sjellë rritje të kostove.

Bylykbashi tha se po u merren kompetencat bashkive dhe koncensioni po shkon tek AKEM-i si dhe do të falimentojë bizneset e riciklimit.

Deputeti demokrat deklaroi se ligji po shkakton amulli dhe nga amullia përfiton mafia dhe korrupsioni.

 

"Ligji krijon një situatë amullie dhe nëse ka një gjë që përfiton në amulli në sektorin e mbetjeve është mafia, më të specializuarit, të cilër kanë dhënë gjurmë se janë të përfshirë edhe në Shqipëri.

Ligji fsheh interesa qartazi korruptive.

Përmes ligjit sektori po bëhët gati të koncensionohet, sepse AKEM-in e keni kthyer nga shoqëri aksionere në tregtare dhe partner do të keni Ndranghetën.

Me këtë ligj po përpiqeni të legalizoni çfarë po bëhet keq deri më sot, pra skandali i madh i inceneratorëve është plagë e madhe që rrjedh qindra miliona euro të shqiptarëve që vidhen përditë me inceneratorë që nuk ekzistojnë.

Ligji do të falimentojë bizneset që kanë investuar para në sektorin e riciklimit dhe qyetarët e thjeshtë do të përballen me kosto të rritura.

Po centralizohet menxhimi fundor i mbetjeve, nga një kompani publike që s’është aq publike shteti duhet ta bëjë koncensionimin me kosto të ulët.

Me atë që ju parashikoni qytetarëve shqiptarë do t’ju rritet tarifa, e cila do të faturohet për pastrimin dhe evadimin e mbetjeve që u faturohet nga bashkitë sepse kryetarët e bashkive nuk bëjnë ndonjë politikë të madhe, por ofrojnë shërbime për qytetarët dhe si ofertë politike kanë pastrimin e qytetit me ofertën më të mirë, me koston më të ulët.

Me projektligjin e ri kryetarët e bashkive nuk e thonë dot më këtë sepse është jashtë kontrollit të tyre.

Qeveria ka vendosur që përveç asaj që do të marrë bashkia tashmë për vetëm një pjesë të shërbimit, mbledhjen dhe transportimin e mbetjeve do ta vendosë çmimin monopol një ent tjetër, një shoqëri tregtare, tek e cila do të raportojnë edhe bashkitë. Bashkitë nuk do të jenë në gjendje të thonë po këtë çmim e kontrolloj unë.

Bashkia kur të shkojë të lidhë kontratën me AKEM-in  nuk do të ketë gjë në dorë. 

Heqja e kompetencave të bashkive është antikushtetuese. Një nga gjërat që do të hiqet te ligji për pushtetin vendor është kleçka që i pengon të miratojnë këtë ligj. Ligji trajton në të njëjtën mënyrë represive edhe qytetarët dhe personat juridikë. Ky ligj do përdoret ose si presion ose si ofertë në zgjedhjet e ardhshme.

Parashikohen gjoba 3 milionë lekë të reja deri në 4 milionë lekë të reja.", deklaroi Bylykbashi./CNA

 

 

 





Lajmet e fundit nga