web counter
LEXO PA REKLAMA!

SHKARKO APP

App Store
Google Play

Takim në Njësinë 5/ Manastirliu: Çdo projekt do të ketë dimension social, beteja është për Tiranën europiane

13 Tetor 2025, 16:51, Politikë CNA

Takim në Njësinë 5/ Manastirliu: Çdo projekt do të

Kandidatja e Partisë Socialiste në Tiranë, Ogerta Manastirliu ka vijaur takimet me banrët e kryeqytetit, këtë here në Njësinë nr.5.

Manastirliu shoqërohej nga drejtuesit politikë të kësaj njësie, deputetët Erion Braçe, Niko Peleshi dhe Taulant Balla.

Manastirliu vuri theksin te ndërtimi i një Tirane që u përket qytetarëve, ku hapësirat, shërbimet dhe zhvillimi urban të jenë në funksion të komunitetit.

“Ka rëndësi që ne të ndërtojmë një qytet që i përket komunitetit, ku secili të ndjejë pronësinë mbi “katin zero” të lagjes, mbi territorin ku ndajmë jetën e përditshme, ndaj një nga prioritetet tona do të jetë pikërisht ajo që tashmë kemi nisur: çlirimi i hapësirave të përbashkëta dhe kthimi i tyre komunitetit. Çdo lagje duhet të ketë hapësira ku fëmijët të luajnë, të moshuarit të çlodhen dhe biznesit t’i shtohet vlera. Shumë e rëndësishme është që çdo projekt, çdo punë publike, çdo program që nisim të ketë dimensionin social, si i shërben ky projekt fëmijëve, të moshuarve dhe familjeve. Kemi nisur Rilindje 2.0, një program që i heq barrierat këtij qyteti. Kjo nuk është një betejë kundër dikujt, por për Tiranën europiane me punët e vogla dhe të mëdha të qytetit.”, tha Manastirliu.

Peleshi deklaroi se kandidatura e Ogerta Manastirliut është e duhura.

“Ne kemi personin e duhur, politikisht dhe me aftësi menaxheriale, që i ka treguar kudo.”

Braçe dhe Balla e vunë theksin te kandidimi i një gruaje për drejtimin e kryeqytetit.

Është një mundësi e madhe për Tiranën që më në fund pas 105 vitesh kryeqyteti i shqiptarëve i besohet një zonje të vërtetë 24 karat tironse puro. Eksperienca e Ogertës në krye të sektorëve jetikë me të cilët përballen qytetarët, siç është shëndeti publik, siç është arsimi, e bëjnë Ogertën jo vetëm kandidaten më të mirë, por kandidaten e vetme në këto zgjedhje për të investuar votën”, tha Balla

 

"Ka ardhur dita që në krye të Tiranës të sjellim një grua. Gratë dhe vajzat duhet të mbështesin një grua nga fillimi deri ne fund,” tha Braçe./CNA

 





Lajmet e fundit nga