Forumi i Investimeve BE-BP/ Rama: Ballkani Perëndimor është horizonti i ri i Europës

13 Tetor 2025, 12:12, Politikë CNA

Forumi i Investimeve BE-BP/ Rama: Ballkani Perëndimor është

Kryeministri Edi Rama ka mbajtur i pari fjalën në Forumin e Investimeve BE-Ballkani Perëndimor në Tiranë. Në nisje të fjalës së tij, Rama u ka uruar mirëseardhjen pjesëmarrësve dhe presidentes së Komisionit Europian, Ursula von der Leyen.

Kreu i qeverisë e cilësoi Ballkanin Perëndimor si horizonti i ri i Europës, në vendet e të cilit tha se projektet europiane realizohen më shpejt se kudo tjetër. Rama shtoi më tej se Ballkani Perëndimor mund të bëhet së shpejti hapësirë e gjatë jetese për investimet dhe bizneset europiane.

"Të dashur miq, fqinj, dua t'ju uroj një mirëseardhje shumë të ngrohtë në Tiranë. Bashkohuni me mua për t'i uruar mirëseardhjen presidentes së KE-së, Ursula von der Leyen. Faleminderit e dashur Ursula që u riktheve në Ballkanin Perëndimor sërish. Me lejen tuaj dua të falënderoj dhe skuadrën tuaj për punën për të bërë realitet këtë.

Në një pikë të caktuar pritja për BE-në u bë dëshpëruese. Megjithatë ne nuk reshtëm së punuari që kur ky moment të na gjente të ishim gati. Ishim gati të nisnim bashkë me KE-në procesin e negociatave. Ballkani Perëndimor është tashmë horizonti i ri i Europës. Një horizont ku Europa mund të zbulojë shkathtësinë e saj dhe dashurinë për jetën. Sa më shumë hedhim sytë nga bota rreth nesh, aq më shumë ndiejmë nevojën për Europë. Dhe pikërisht në zemër të këtij gadishulli gjendet një rajon me rritje dy herë më të shpejtë se mesatarja europiane dhe ka një energji sipërmarrëse që nuk i trembet së nesërmes. Horizonti i ri për mua do të thotë një vend ku investimet europiane gjejnë një ritëm shpejtësie të ri. Një vend ku projektet mund të shkojnë nga ideja në realizim më shpejt se kudo tjetër.

Ballkani Perëndimor mund të bëhet streha amortizuese rregullatore e Europës. Një hapësirë për të ndërtuar dhe për të provuar të ardhmen. Le të imagjinojmë një zonë të përbashkët horizonti të ri. Le ta bëjmë një hapësirë të gjatë jetese për bizneset që vijnë. Ne po kërkojmë të ndihmojmë BE-në në përpjekjet për të ndërtuar tryezën europiane nga e para. Kapitulli tjetër i qëndresës së Europës nuk do të shkruhet vetëm në Bruksel, por edhe në Tiranë, Podgoricë, Beograd, Shkup e Prishtinë. Ne kërkojmë vizionin që dikur bashkoi hekurin e çelikun për të krijuar paqe", u shpreh Rama ndër të tjera. /CNA