E fundit!

11:41 Aktualitet

Përplasjet me opozitën/ Balla: Partinë e Sali Berishës nuk e pranoj si përfaqësuese të protestës

Kreu i grupit të PS, Taulant Balla pas mbledhjes së Konfer...

"Ligji elektoral shkelet vazhdimisht", Boçi: Binaj, kandidati më i besueshëm për qytetarët

11 Tetor 2025, 12:34, Politikë CNA

"Ligji elektoral shkelet vazhdimisht", Boçi: Binaj, kandidati

Deputeti i Partisë Demokratike, Luçiano Boçi, është shprehur sot se ligji elektoral në Shqipëri shkelet vazhdimisht. Sipas tij, këtë e demonstron në çdo moment pushteti. Duke komentuar zgjedhjet për Bashkinë e Tiranës, deputeti demokrat tha në një dalje televizive se në PS ka një alarm të madh nga profili i kandidatit të pavarur dhe që mbështetet nga PD-ja, Florjan Binaj.

"Fushatat elektorale nisin pa rënë gongu ligjor dhe lejohet nisja e takimeve. Por ligji elektoral te ne shkelet në çdo moment, nuk respektohet. Dhe këtë e demonstron pushteti me arrogancën e vet. Arroganca e pushtetit tani është pranuar si normë. Shkelja e Kodit Zgjedhor është gjëja e fundit në mendjen e qytetarit. Sepse në çdo moment ku shkel ndien thyerjen e ligjit dhe mosrespektimin e Kushtetutës. E rëndësishme është që opozita është në fushata dhe nuk duhet të ketë qetësi. Por këtu fiton propaganda, jo vlera dhe virtyti. Nëse ka një alarm të madh te PS-ja është profili i kandidatit Binaj, profili jopolitik i tij", tha Boçi.

Duke vijuar më tej fjalën e tij për mbështetjen që Binaj mori nga opozita, Boçi u shpreh se ai është kandidati që qytetarët e shohin më afër vetes dhe më të besueshëm.

"Binaj nuk ishte një vendosje rastësore. Kishte targete të caktuara, ka aktivitet të shoqërisë civile, ka suksese, ka angazhim publik dhe jo vetëm mediatik, zotëron njohuri në një fushë që lidhet me menaxhimin e qytetit sepse ka diplomë tjetër. Ka shumë dimensione, Binaj si kandidat prandaj u caktua. Ka një konflikt mes qytetarit dhe politikës, dhe sot qytetarit i përcaktohet një kandidat më afër vetes. Binaj nuk e ka kostumin politik dhe e bën veten më të besueshëm. Sot njerëzit më seriozë në një shoqëri, nuk po them në Shqipëri, janë njerëzit që bëjnë humor. Humori është dimension inteligjence", u shpreh Boçi./CNA