web counter
LEXO PA REKLAMA!

SHKARKO APP

App Store
Google Play

E fundit!

x

Anketimi/ Rama ngre shqetësimin: Mësuesit e rinj mund të lënë profesionin

10 Tetor 2025, 15:11, Politikë CNA

Anketimi/ Rama ngre shqetësimin: Mësuesit e rinj mund të

Kryeministri Edi Rama ka folur për anketimin për mësimdhënien duke ngritur një shqetësim se, mësuesit e rinj mund të lënë profesionin nëse nuk ndihen të mbështetur dhe të motivuar.

“Është vërtetë diçka shumë motivuese për ne dhe një burim krenarie për ju dhe trupën e mësuesve që mësuesit tanë rezultojnë të kënaqur me profesionin e tyre.

Nuk e bëjnë punën nga halli apo thjesht dhe vetëm se duhet të kenë një pagë dhe duhet të jetojnë po si punë që e kanë zgjedhur si vokacion dhe si profesion.

Dua të shtoj se mbështetja e mësuesve të rinj, ulja e ngarkesës së punës në funksion të rritjes së mundësisë për të marrë frymë dhe për të punuar më cilësisht si dhe integrimi gjithnjë më i madh i teknologjisë në praktikat e klasës janë objektiva që duhet t’i ndjekim bashkërisht.

Ka një shqetësim që nuk na gjen të papërgatitur dhe reflektohet edhe në anketim që një pjesë e mësuesve të rinj raportojnë se mund të lënë profesionin nëse nuk do të ndihen të mbështetur mjaftueshëm dhe të motivuar mjaftueshëm. Ky është një sinjal që e marrim shumë seriozisht.

Zhvillimi profesional, edukimi në vazhdim i mësuesve, pjesëmarrja e tyre sistematike në trajnime për të përmirësuar cilësinë është objektiv që konfirmohet edhe nga anketimi.

Jemi të vetëdijshëm për këto”, tha Rama./ CNA





Lajmet e fundit nga