web counter
LEXO PA REKLAMA!

SHKARKO APP

App Store
Google Play

"Strategjia e Berishës për të mos lënë askënd të flasë, të marrë fund"/ Balla ftesë PD-së: Të miratojmë depolitizimin e numëruesve

13 Tetor 2025, 12:24, Politikë CNA

"Strategjia e Berishës për të mos lënë askënd

Kreu i Grupit Parlamentar, Taulant Balla, ka mbajtur një deklaratë për mediat.

Balla deklaroi se shpreson që të marrë fund strategjia e Berishës për të mos lejuar asnjë deputet demokrat për të folur. Më tej, kreu i grupit të PS-së tha se kolegët e tij demokratë duhet ta kërkojnë të drejtën për të folur brenda grupit të tyre parlamentar.

Gjithashtu Balla u pyet edhe për reformën zgjedhore, ku tha se PS ka gatishmërinë për të zbatuar të gjitha rekomandimet e raportimeve të OSBE-ODIHR.

Balla u shpreh se sa u përket numëruesve të votave, opozita ka më shumë besim te numëruesit e KQZ sesa tek ata të caktuar nga ata vetë.

Kreu i grupit socialist ftoi demokratët të miratojnë depolitizimin e numëruesve.

“Po e quaj të mbyllur pjesën e seancës së fundit. Shpresoj që kolegët e grupit parlamentar të PD të kërkojnë dhe brenda grupit të tyre për të folur. Strategjia e Berishës për të mos lënë askënd të flasë duhet të marrë fund.

Do të doja shumë që Avokatin e Popullit ta zgjedhim deri në Krishtlindje. Do t’i japim Shqipërisë Avokatin e Popullit me shpresën se do t’i japim një personalitet në fushën e jurisprudencës.

PS ka gatishmërinë për të adresuar të gjitha rekomandimet e raporteve të OSBE-ODIHR. Zgjedhjet e fundit treguan që PD apo subjektet e tjera, nuk kanë më shumë besim te numëruesit që caktojnë vetë, por te numëruesit që cakton KQZ. Atëherë le të miratojmë depolitizimin e numëruesve.

PD të marrë shembull nga situata në Kosovë”, deklaroi Balla.





Lajmet e fundit nga