web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet në Kosovë/ Kikia: Në zonat e Veriut, procesi nuk komandohet nga politikanët e Beogradit

12 Tetor 2025, 19:00, Politikë CNA

Zgjedhjet në Kosovë/ Kikia: Në zonat e Veriut, procesi nuk

Gazetari Mentor Kikia komentoi sot procesin e zgjedhjeve lokale në Kosovë.

Në një dalje televizive, Kikia u ndal kryesisht te situata në zonat e Veriut, teksa theksoi se procesi nuk komandohet më nga politikanët e Beogradit, pasi është tejkaluar një ngërçi rëndësishëm i njohjes së institucioneve.

Kikia bëri një krahasim të gjendjes me të disa viteve më parë, kur serbët jo vetëm që nuk njihnin institucionet, por as nuk pranonin targat e Kosovës për automjetet e tyre.

“Vijmë nga një periudhë kur në zona që quhen komuna dhe bashki, për shkak të nacionalizmave se banohen edhe nga serbët, janë bërë njësi më vete. Shkohej ose nuk shkohej në zgjedhje nëse donte ose nuk donte Beogradi. Është tejkaluar fakti që nuk njohin shtetin, zgjedhjet dhe institucionet e Kosovës. Pasi duan edhe të marrin pushtetin prej tyre. Në kuadër të kësaj ndarjeje, në njësi me shumicë serbe, do jenë serbët ata që drejtojnë. E rëndësishme është që do të mandatohen nga institucionet e Kosovës. Nuk do të komandohen nga politikanët në Beograd. Do të tejkalohet një ngërç i rëndësishëm drejt formalizimit të institucioneve në zonat e Veriut, ku deri para një mandati qeverisës, ishte gati e pamundur të kujtohej kjo gjë. Madje serbët nuk pranonin as të mbanin targat e Kosovës. Besoj se janë bërë hapa të rëndësishëm”,-tha Kikia./CNA





Lajmet e fundit nga