web counter
LEXO PA REKLAMA!

SHKARKO APP

App Store
Google Play

E fundit!

x

Gara për Tiranën/ Boçi: Deputetët e PD-së do ta mbështesin Binajn pa dalë krah tij

11 Tetor 2025, 12:58, Politikë CNA

Gara për Tiranën/ Boçi: Deputetët e PD-së do ta

Deputeti demokrat, Luçiano Boçi, ka folur sot lidhur me mbështetjen e opozitës për kandidatin e pavarur për zgjedhjet në Bashkinë e Tiranës, Florjan Binajn.

Boçi u shpreh në një dalje televizive se deputetët demokratë do të shpërndahen në zona të caktuara të Tiranës dhe do të mbështesin kandidatin e pavarur në çdo formë.

Ai tha se kjo mbështetje do të realizohet pa dalë krah Binajt në takime, pasi, sipas tij, kjo mund të përdoret nga kundërshtarët për të goditur kandidatin.

 "Shpërndarja e deputetëve aktualë të Partisë Demokratike do të bëhet në zona të caktuara të Tiranës, duke qenë se ka përqendrimin më të madh të vëmendjes. PD e konsideron Binajn kandidat të pavarur dhe do ta mbështesë në të gjitha format pa qenë nevoja për të krijuar dukje ose dalje që do të përdoren edhe për të goditur kandidatin. Unë personalisht nuk do të dal me kandidatin, por do ta mbështes në çdo formë", tha Boçi.

Ndërkohë lidhur me kandidatët që opozita mbështet në bashkitë e tjera ku do të mbahen zgjedhjet, Boçi tha se është ndjekur e njëjta procedurë si në rastin e mbështetjes për Florjan Binajn në Tiranë.

"E njëjta procedurë si në Tiranë është zbatuar edhe për kandidatët në bashkitë e tjera. Por për shkak të territoreve më të vogla nuk kanë vëmendje aq të madhe sa Flori", u shpreh deputeti demokrat./CNA





Lajmet e fundit nga