web counter
LEXO PA REKLAMA!

SHKARKO APP

App Store
Google Play

Reforma territoriale/ Berisha: Rama ka ndërmend t’i katandisë nga 62, në 28 apo 30 bashki

13 Tetor 2025, 13:55, Politikë CNA

Reforma territoriale/ Berisha: Rama ka ndërmend t’i katandisë

Kryetari i Partisë Demokratike, Sali Berisha, në konferencën e mbajtur për mediat, ka thënë se nuk mund të ketë reformë zgjedhore pa praninë e ODIHR-it.

Berisha deklaroi se PD është e gatshme të shqyrtojë të gjitha rekomandimet e misioneve të vëzhgimit, me praninë e ODIHR-it dhe pozitës.

Më tej, Berisha tha se Rama ka ndërmend të ndryshojë numrin e bashkive nga 62 në 28 apo 30.

Sa i përket reformës territoriale, Berisha tha se PD ka dorëzuar në Parlament një projekt që është ndryshe nga ai i socialistëve.

 

“E kemi theksuar këtu, nuk mund të ketë reformë zgjedhore pa praninë e ODIHR-it. Do të ftohet dhe do t'i dërgohet ftesë ODIHR-it, pasi të pranojnë ftesën, duhet një ftesë nga të gjitha palët, pozita dhe opozita dhe natyrisht me praninë e ODIHR-it ne jemi të gatshëm të shqyrtojmë një e nga një të gjitha rekomandimet e misioneve të vëzhgimit, të cilat nga 2013 e gjer sot nuk janë marrë parasysh.

Për reformën territoriale, ne kemi dorëzuar, në parlament ekziston një projekt i PD-së dhe opozitës, për reformën territoriale, i cili ndryshon si nata me ditën me projektin që ka ndërmend Edi Rama.

Edi Rama ka ndërmend faktikisht të pjesëtojë me disa herë fuqinë e votës së qytetarëve shqiptarë. Të largojë pushtetin prej tyre dhe t’i katandisë nga 62, në mos gaboj në 28 apo 30 bashki dhe komuna.

Natyrisht reforma e parë e tij ishte një katastrofë, një kaos. Mjafton të kujtoj këtu se një qark me 120 mijë banorë ka 7 njësi të qeverisjes vendore, një qark me 1 milion banorë ka 4 njësi të qeverisjes vendore. Kjo është e vërtetë për Tiranën dhe Gjirokastrën.

Kështu që për këtë të dytë, nuk mund të shprehem se edhe këtu kemi një kusht të panegociushëm, praninë e përfaqësuesve të Kongresit të Autoriteteve Lokale dhe Rajonale të Këshillit të Europës”, tha Berisha.





Lajmet e fundit nga