web counter
LEXO PA REKLAMA!

SHKARKO APP

App Store
Google Play

Zgjedhjet lokale në Kosovë/ Berisha: Leksion për Tiranën dhe Beogradin si zhvillohet një proces zgjedhor i lirë

13 Tetor 2025, 13:28, Politikë CNA

Zgjedhjet lokale në Kosovë/ Berisha: Leksion për Tiranën dhe

Kryetari i Partisë Demokratike, Sali Berisha, në konferencën e sotme për mediat ka komentuar edhe zgjedhjet lokale të zhvilluar ditën e djeshme në Kosovë. 

Berisha tha se Kosova i dha një leksion Tiranës dhe Beogradit për mënyrën se si zhvillohen zgjedhje të lira dhe të drejta. Ai shtoi se procesi zgjedhor nderoi qytetarët e Kosovës dhe të ardhmen e vendit. 

"Kosova dha një leksion të madh për Tiranën, për Beogradin dhe të gjitha autokracitë e rajonit, zhvilloi zgjedhje të lira, të drejta, dinjitoze. Kosova, ndonëse me një qeveri kujdestare, por zhvilloi një proces zgjedhor në zgjedhje vendore që nderoi qytetarët e vet, vlerat, lirinë e qytetarëve të vet, votën dhe të ardhmen e Kosovës.

Unë shfrytëzoj këtë rast për të uruar përzemërsisht qytetarët e Kosovës, të shfrytëzoj këtë rast për të uruar forcat politike, të zgjedhurit, kandidatët që kandiduan për këtë festë të demokracisë, këtë festival të votës së lirë që zhvilluan dje në të gjitha komunat dhe bashkitë e atij vendi", u shpreh Berisha ndër të tjera. /CNA





Lajmet e fundit nga