web counter
LEXO PA REKLAMA!

SHKARKO APP

App Store
Google Play

E fundit!

x

"Ky vit do ta gjejë Tiranën me kryetar të ri"/ Klosi zbulon kur do të mbahen zgjedhjet në kryeqytet

13 Tetor 2025, 21:12, Politikë CNA

"Ky vit do ta gjejë Tiranën me kryetar të ri"/ Klosi

Sekretari i Përgjithshëm i Partisë Socialiste, Blendi Klosi i ftuar në një emision televiziv deklaroi se data e re për zgjedhjet në Tiranë përllogaritet të jetë në mesin e muajit dhjetor.

Klosi deklaroi se nuk frikësohen nga data dhe po pëgatiten sikur zgjedhjet të jenë nesër.

“Ne po përgatitemi sikur zgjedhjet të jenë nesër. Nuk është se ne frigohemi nga data, sa më shpejt ajo datë të jetë, aq më mirë do ishte për qytetarët. Kurse për ne si forcë politike do të presim vendimin e Kushtetueses dhe pastaj datën e re të Presidentit, por ashtu siç llogaritë duken i bie që mesi i dhjetorit të jetë data e mundshme për garën e Tiranës”

Klosi tha se data 9 nëntor për Tiranën ra dhe gjithçka varet nga Kushtetuesja, por dëshira e PS është që zgjedhjet të bëhen sa më parë

"Po tani data 9 edhe sipas KQZ ka rënë për Tiranën. Ne kemi ngarë në 5 bashki të tjera. Por për PS, në parim e kemi që nuk është problem për ne kur është data. Po ne po vazhdojmë përgatitjet dhe unë jam pjesë e skuadrës së Tiranës për të mbështetur më së miri përgatitjet në gjithë territorin e saj. Puna është intensive po punojmë fort. Por nuk dimë, e gjitha varet nga vendimi i Gjykatës Kushtetuese. Por besoj që ky vit do ta gjejë dhe duhet ta gjejë Tiranën me kryetar të ri bashkie, pasi realisht qyteti ka nevojë për një drejtim më të plotë për punët e bashkisë, për atë çfarë qytetarët presin. Dhe prandaj dëshira jonë është të ndodhin sa më shpejt ato zgjedhje”, deklaroi Klosi./CNA

 





Lajmet e fundit nga