E martë e ngarkuar/ 10 mbledhje komisionesh, raportojnë institucionet e drejtësisë

14 Tetor 2025, 08:46, Politikë CNA

E martë e ngarkuar/ 10 mbledhje komisionesh, raportojnë institucionet

Dita e sotme do të jetë e ngjeshur dhe e ngarkuar pasi do të ketë mbledhje komisionesh të njëpasnjëshme.

Mbledhjet nisin nga ora 10:00 deri në orën 13:00. Në mbledhje do të raportojnë institucionet e drejtësisë, Këshilli Drejtues i RTSH-së etj.

Agjenda vijon si më poshtë:

Komisioni për Nismat Qytetare, Bashkëpunimin dhe Mbikëqyrjen Institucionale

- Ora:10:00

Mbledhje e përbashkët me Komisionin për të Drejtat e Njeriut dhe Mjetet e Informimit Publik:

Raportim i veprimtarisë vjetore të Këshillit Drejtues i Radiotelevizionit Publik Shqiptar.

Komisioni për Nismat Qytetare, Bashkëpunimin dhe Mbikëqyrjen Institucionale

- Ora:10:00

Mbledhje e përbashkët me Komisionin e Çështjeve Ligjore dhe Administratën Publike:

1. Raport i Prokurorit të Përgjithshëm (PP) mbi gjendjen e kriminalitetit për vitin 2024

2. Raportim mbi veprimtarinë e Prokurorisë së Posaçme kundër Korrupsionit dhe Krimit të Organizuar (SPAK) për vitin 2024

3.Raportim vjetor i Ministrit të Drejtësisë mbi gjendjen e kriminalitetit për vitin 2024

Komisioni për Burimet Natyrore, Infrastrukturën dhe Zhvillimin e Qëndrueshëm

- Ora:10:00

1. Projektligji “Për menaxhimin e integruar të mbetjeve”.

Komisioni për Nismat Qytetare, Bashkëpunimin dhe Mbikëqyrjen Institucionale

- Ora:10:00

Mbledhje e përbashkët me Komisionin për Ekonominë, Punësimin dhe Financat:

1. Raportim i Agjencisë së Sigurimit të Depozitave ( ASD ) për veprimtarinë vjetore të vitit 2024.

2. Raportim i Institutit të Statistikave (INSTAT) për veprimtarinë vjetore të vitit 2024. (ora 13:00)

Komisioni për Çështjet Ligjore dhe Administratën Publike

- Ora:10:00

1. Seancë dëgjimore për raportimin vjetor të Ministrit të Drejtësisë mbi gjendjen e kriminalitetit për vitin 2024

2. Seancë dëgjimore për raportimin e Prokurorit të Përgjithshëm mbi gjendjen e kriminalitetit, për vitin 2024

3. Seancë dëgjimore për raportimin mbi veprimtarinë e Prokurorisë së Posaçme kundër Korrupsionit dhe Krimit të Organizuar, për vitin 2024

Komisioni për Ekonominë, Punësimin dhe Financat

- Ora:10:00

1. Mbledhje e perbashket me Komisionin për Nismat Qytetare, Bashkëpunimin dhe Mbikëqyrjen Institucionale mbi Raportimin e Agjencisë së Sigurimit të Depozitave ( ASD ) për veprimtarinë vjetore të vitit 2024

Komisioni për të Drejtat e Njeriut dhe Mjetet e Informimit Publik

- Ora:10:00

1. Miratimi i procesverbaleve të mbledhjeve të datave 3 dhe 6 tetor 2025.

2. Raporti i veprimtarisë së Këshillit Drejtues të Radiotelevizionit Shqiptar për vitin 2024.

3. Informacion për vakancën e Komisionerit për Mbrojtjen nga Diskriminimi.

4. Miratimi i projektrezolutës së institucionit të Avokatit të Popullit.

5. Miratimi i projektrezolutës së institucionit të Komisionerit për Mbrojtjen nga Diskriminimi.

6. Të tjera.

Komisioni për Edukimin, Shkencën dhe Sportet

- Ora:12:00

1. Miratimi i proceverbaleve të mbledhjeve të Komisionit.

2. Caktimi i datës dhe orës për seancën dëgjimore me Ministrinë e Ekonomisë dhe Inovacionit, për masat e marra për fillimin e vitit të ri shkollor 2025-2026, për arsimin profesional.

3. Caktimi i datës dhe orës për seancën dëgjimore me Ministren e Arsimit, Znj. Mirela Kumbaro, sipas kërkesës Nr.2831prot, datë 09.10.2025, të paraqitur nga një e treta e anëtarëve të Komisionit, bazuar në nenin 36, pika 1, të Rregullores së Kuvendit, për “Seancat dëgjimore publike”, lidhur me situatën në arsim për shkak të ngjarjeve të fundit dhe masat që janë marrë.

4. Të tjera.

Komisioni për Ekonominë, Punësimin dhe Financat

- Ora:12:00

1. Mbledhje e perbashket me Komisionin për Nismat Qytetare, Bashkëpunimin dhe Mbikëqyrjen Institucionale mbi Raportimin e Institutit të Statistikave (INSTAT) për veprimtarinë vjetore të vitit 2024

Këshilli për Legjislacionin

- Ora:13:00

- Prezantimi i raportit për shqyrtimin e kërkesës së një grupi deputetësh të Grupit Parlamentar të Partisë Demokratike “Për shkarkimin e Kryetarit të Kuvendit të Shqipërisë, z. Niko Peleshi”. / CNA