web counter
LEXO PA REKLAMA!

SHKARKO APP

App Store
Google Play

E fundit!

x

Armëpushimi Izrael-Hamas/ Berisha: Tirana u rreshtua me Kim Jong Un dhe Iranin duke mos përshëndetur marrëveshjen

15 Tetor 2025, 13:33, Politikë CNA

Armëpushimi Izrael-Hamas/ Berisha: Tirana u rreshtua me Kim Jong Un dhe

Kryetari i Partisë Demokratike, Sali Berisha, po mban fjalën e tij për mediat para mbledhjes së Grupit Parlamentar të PD-së. Berisha foli për arritjen e armëpushimit mes Izraelit dhe Hamasit, ku tha se u arrit falë përpjekjeve të Trump për paqe.

Ndërsa foli për shtetet që përshëndetën marrëveshjen, Berisha tha se Tirana duke mos reaguar u rreshtua krah Kim Jong Un-ut të Koresë së Veriut dhe udhëheqësve të Iranit.

"Fundjavën e kaluar një marrëveshje paqeje u firmos në Sharm el Sheikh. Faza e parë e marrëveshjes mes Izraelit dhe Hamasit u vu në zbatim. Kjo u arrit pas përpjekjeve të presidentit Trump. Kjo marrëveshje është përkrahur edhe nga ne, në këtë pozicion që jemi. Urojmë që Hamasi t’i përmbushë zotimet siç i ka marrë dhe marrëveshja të konsolidohet në marrëveshje paqeje. Një nga momentet më kryesore ka qenë operacioni ajror i SHBA-së në Teheran. Nëse ka një ngjarje që ripërsërit historinë është sulmi ajror i urdhëruar nga Donald Trump mbi Teheranin.

U dëmtuan të gjitha impiantet bërthamore pa asnjë të vrarë. Irani u çarmatos nga potenciali që u përpoq të krijojë dhe përbëntë rrezik madhor. Kjo ndërpreu luftën Izrael-Iran dhe kjo hapi perspektivën për të arritur këtu ku erdhëm sot. Këtë marrëveshje e ka përshëndetur edhe Vuçiç-i dhe ministri i Jashtëm kinez. Këtë e ka kaluar në heshtje, Kim Jong Un, i Koresë së Veriut, Irani i Ajetollahëve dhe Tirana e Ramaduros. Ndërkohë Shqipëria është vend anëtar i NATO-s, dhe vend me lidhje të forta me Izraelin, por edhe me të Palestinës. Këtu ka pasur gjithmonë një ambassador të akredituar palestinez. Por se ç'ndodhi me telefonin e Tiranës do të merret vesh në javët që vjen, por ky është qëndrim i dënueshëm", tha Berisha. /CNA





Lajmet e fundit nga