E fundit!

16:22 Aktualitet

Vrasja e policit në Maliq/ Hita: Nëse DVP Korçë do kishte kërkuar ndihmë do ishin marrë masa më të forta

Kreu i Policisë së Shtetit Skënder Hita ka zbarkuar në Kor...

PD, kundër protestës për UÇK-në/ Balla-opozitës: Hajdeni me kushtin që të mos e politizojmë

16 Tetor 2025, 10:48, Politikë CNA

PD, kundër protestës për UÇK-në/ Balla-opozitës:

Kreu i Grupit Parlamentar të Partisë Socialiste, Taulant Balla, deklaroi sot se qëndrimi i PD-së kundër pjesëmarrjes në protestën e së premtes në Tiranë për drejtësi për ish-krerët e UÇK-së është i gabuar.

Në fjalën e tij gjatë seancën plenare, Balla tha se ndër vite Shqipëria i është gjendur pranë Kosovës, edhe në vitet e vështira të luftës, prandaj opozita duhet të protestojë, por të mos e politizojë qëndrimin e saj.

Balla gjeti rastin për t’i kujtuar kryedemokratit Sali Berisha disa ngjarje të atyre viteve, kur ku i fundit mbante detyrën e presidentit.

“Kuvendi ka miratuar 9 rezoluta dhe 11 deklarata për gjithçka që ka ndodhur në Kosovë nga 1991-2005. U miratua me konsensus të plotë nga deputetët e asaj legjislature. Edhe në vitet e vështira ’97, ’99, Kuvendi i Shqipërisë i ka mbajur këto qëndrime në kohën e duhur që kërkonte Kosova.

Përpara se të hedhim në votim, ju ftoj që edhe t’i lexoni. Po kaloj te diçka që është emergjente. Vendimi i PD-së i bërë publik dje për të bojkotuar protestën për UÇK-në. Është shprehja e qëndrimeve kundër interesit të Kosovës. Nuk doni të jeni përkrah nesër.

Kryeministri nuk do të jetë nesër në protestë. Hajdeni me kushtin që të mos e politizojmë. Bëni edhe ju një protestë tuajën nëse nuk doni që të vini nesër. Kjo quhet: 'Një kohë, një qëndrim'. Rastësia mund të ndodhë një herë. Ju kujtohet shkelja e embargos së UÇK-së për naftën serbe në dëm të interesit të Kosovës. Të gjithë dëshmitarët e takimit Berisha-Millosheviç u vranë. Më vonë erdhi Arkani. E ka dëshmuar në një deklaratë publike preidenti Thaçi. I ndjeri Rugova shmangu çdo takim me Berishën. U arrestuan ushtarë të UÇK-së kur Berisha ishte president në Tiranë. Kosova kishte më shumë nevojë se kurrë në atë moment për qëndrimin e Shqipërisë”,-tha Balla./CNA