web counter
LEXO PA REKLAMA!

SHKARKO APP

App Store
Google Play

E fundit!

x

Kërkohet rikthimi i seancës së parë/ Alizoti: Kush i shmanget debatit, tregon dobësi

16 Tetor 2025, 10:36, Politikë CNA

Kërkohet rikthimi i seancës së parë/ Alizoti: Kush i

Deputeti i PD-së, Tomor Alizoti, ka kërkuar rikthimin e seancës së parë për shpalosjen e progamit qeveritar për 4 vitet e ardhshme.

Alizoti u shpreh se mazhoranca është shumë pranë integrimit në BE, por shumë larg demokracisë.

Sipas Alizotit, kush shmanget nga debate tregon dobësi, duke theksuar se PS mund të ketë shumë mandate, por në artikulimin politik janë të dobët.

"Ribëjeni debatin. Debati është pika më kryesore që është në interesin madhor të qeverisë që ka plane madhore për integrimin në BE. E kam lexuar programin, kam parë shumë pak fjalë për shpopullimin dhe pak fjalë për Kosovën.

Demokracia jeton me debatin. Riktheni seancën e parë, që të diskutojmë. Sipas studiuesve, demokracia jeton nga lajmi i keq, por dëgjoni dhe kritikën tonë. Ju jeni shumë pranë integrimit, por shumë larg demokracisë.

Seanca i përket shoqërisë, shëndetësisë, juristëve. Nuk mund ta mbyllni se u mërzitët ju dhe lideri juaj.

Nuk i bën keq kujt kritika. Le të ketë debat e kritika Parlamenti.

Ju e shmangni dhe kur ekipi shmanget nga debati tregon dobësi. Mund të keni shumë mandate, por në artikulimin politik jeni shumë të dobët.

Një pyetje: ku qëndron e majta juaj? E majta europiane është e dobët.

Ju në çdo qark jeni më të fortët, ju jeni më të fortët e lagjes, me oligarkët.

Ku qëndron klasa punëtore, ku qëndron punëtori, ku qëndron i pamunduri?

Janë mbledhur dhe pozicionuar gjithë oligarkët.

Ky është realiteti i një partie sociale.

Ju nuk jeni me punëtorët.

Nuk miratoni një rezolutë për gjenocidin serb në Kosovë. Kosova është dhimbje. Dhimbja u kthye në diçka botërore dhe Parlamenti i Shqipërisë sot e ka problem të miratojë një rezolutë për gjenocidin", tha Alizoti./ CNA





Lajmet e fundit nga