web counter
LEXO PA REKLAMA!

SHKARKO APP

App Store
Google Play

Noka akuzon Ramën: Askush nuk i ka futur thika pas shpine Kosovës, përveç teje dhe qeverisë tënde

16 Tetor 2025, 11:44, Politikë CNA

Noka akuzon Ramën: Askush nuk i ka futur thika pas shpine Kosovës,

Sekretari i Përgjithshëm i Partisë Demokratike, Flamur Noka, akuzoi sot kryeministrin Edi Rama se i ka futur thika pas shpine Kosovës, teksa sot në Kuvend po diskutohet çështja e rezolutës së dënimit të gjenocidit serb në Kosovë.

Në fjalën e tij gjatë seancës plenare, Noka u shpreh se shqiptarët e dinë qasjen e PD-së dhe aleatëve të saj për Kosovën dhe çështjen shqiptare.

Noka tha se Rama është i vetmi që ka vendosur sanksione ndaj Kosovës.

“Cila është qasja e PD-së dhe aleatëve të saj për Kosovën dhe çështjen shqiptare dhe cila është qasja e narkosit për çështjen e Kosovës, ajo është botërisht e ditur. Askush deri më sot nuk ka guxuar nga qeveritë shqiptare, që ta vendosin nën sanksione qeverinë e Kosovës, përveçse narkosit. Asnjë shqiptar dhe ndërkombëtar nuk e ka quajtur veriun e Kosovës, si tokë të askujt, përveç kreut të narkosit. Askush nuk i ka futur thika pas shpine Kosovës, sa herë që ajo ka pasur nevojë për vllaun e madh Shqipërinë, përveç kreut të narkos dhe qeverisë së tij. Askush nuk ka guxuar të ndërtojë marrëdhënie qoftë dhe bilaterale”,-tha Noka./CNA





Lajmet e fundit nga