web counter
LEXO PA REKLAMA!

SHKARKO APP

App Store
Google Play

E fundit!

x

Reagimi i Ramës/ LVV pyet kryeministrin: Ke ardhur apo jo me helikopter për themelimin e "Speciales"?

16 Tetor 2025, 12:29, Politikë CNA

Reagimi i Ramës/ LVV pyet kryeministrin: Ke ardhur apo jo me helikopter

Një reagim ka ardhur nga Lëvizja Vetëvendosje pas postimit të kryeministrit Edi Rama për qëndrimet ndaj Gjykatës Speciale në Kosovë.

Arlind Manxhuka, zëdhënës i LVV-së, në një postim në rrjetet sociale, shprehet se Rama duhet t’u përgjigjet disa pyetjeve lidhur me çështjen në fjalë. Ai shton se temat e tjera janë vetëm për konsum personal dhe jo për debat politik.

Postimi i plotë:

Kryeministri Rama mund të përpiqet të nxirret me eskivazhe të padenja e përshtypje personale, ose mundet edhe të adresojë dhe përgjigjet shkurt e saktë në pikat kryesore që përmban deklarata e Lëvizjes VETËVENDOSJE!.

Më konkretisht ai mund të tregojë:

1. Ka ardhur apo jo me helikopter në Kosovë për të bindur deputetët e Kuvendit të Kosovës që ta votojnë themelimin e Gjykatës Speciale? Pra, a e ka mbështetur dhe shtyer ai themelimin e Gjykatës Speciale?

2. Cili ka qenë dhe vazhdon të jetë qëndrimi i LVV rreth Gjykatës Speciale? E ka votuar dhe mbështetur, apo e ka refuzuar dhe është përndjekur duke protestuar kundër themelimit të saj?

3. Në cilat raste dhe në cilat data, në cilat organizata ndërkombëtare ku Shqipëria është anëtare me të drejta të plota, apo pjesëmarrëse në takimet zyrtare, Rama ka ngritur shqetësimet e tij rreth padrejtësisë që po i bëhet Kosovës në Hagë? Kur i ka ngritë këto shqetësime në OKB, kur në Këshillin e Evropës, kur në OSBE dhe kur në NATO?

Të tjerat janë vetëm për konsum personal e madje as për konsum të brendshëm politik. /CNA





Lajmet e fundit nga