web counter
LEXO PA REKLAMA!

SHKARKO APP

App Store
Google Play

“PS ka vënë partinë mbi Shqipërinë”/ Boçi: Mos na bëni lojën e strucit për çështjen e Kosovës

16 Tetor 2025, 12:21, Politikë CNA

“PS ka vënë partinë mbi Shqipërinë”/

Deputeti demokrat, Luçiano Boçi, akuzoi sot Partinë Socialiste, se me vendimet dhe qëndrimet e saj nuk mund të japë leksione për patriotizëm sepse ka vënë gjithmonë partinë mbi Shqipërinë.

Në fjalën e tij në Kuvend, Boçi iu referua çështjes së Kosovës, teksa shtoi se mazhoranca bën lojën e strucit, duke u fshehur.

Boçi tha se nëse socialistët duan të tregojnë se e duan Kosovën, atëherë duhet të miratojnë rezolutën për njohjen e gjenocidit serb në Kosovë.

“Në realitet, leksionet e patriotizmit u tentuan këtu nga kreu i Grupit Parlamentar i cili iku tani, gjithmonë ka vënë partinë mbi Shqipërinë, jo vetëm me veprime, por edhe me deklarata.

Çuditërisht, sot doli i ndryshuar, por për ne duhet ta lini këtë lojë të strucit e të mos drejtoni këtu me sfida, sepse nëse ne e duam Kosovën apo drejtuesit e luftës së UÇK-së, ne duhet të vijmë në atë mitingun tuaj.

Sot është dita për t’u treguar patriotë, mos e lini për nesër, por dëgjojeni atë kryetarin e grupit tuaj parlamentar, vendosini shqiptarët mbi partinë sot, sepse ja ku e keni provën që të tregoni se e doni Kosovën.

Miratoni rezolutën kundër krimeve serbe në Kosovë, sepse ju të gjithë jeni parlament, një pjesë me përvojë të madhe.

Kush ka më shumë vlerë? Një rezolutë e dalë nga parlamenti apo fjalët hipokrite të atyre që morën iniciativën e Ballkanit të hapur për ta bërë Serbinë lokomotivë ekonomike të rajonit?

Kush ka më shumë vlerë? Rezoluta e Shqipërisë që shkon në atë Parlament Europian apo fjalët e atyre që sanksionuan Kosovën?”,-tha Boçi./CNA





Lajmet e fundit nga