web counter
LEXO PA REKLAMA!

SHKARKO APP

App Store
Google Play

E fundit!

x

Berisha: Rama, një nga autorët e dramës së udhëheqjes politike në Kosovë

16 Tetor 2025, 13:17, Politikë CNA

Berisha: Rama, një nga autorët e dramës së udhëheqjes

Kreu i PD-së, Sali Berisha, foli për mediat jashtë Kuvendit, ku komentoi sërish debatet që u zhvilluan në Kuvend për çështjen e Kosovës. Berisha tha se kjo është hera e dytë që Grupi Parlamentar i PS-së mohon të votojë gjenocidin serb në Kosovë.

Duke iu rikthyer protestës që do të mbahet nesër në Tiranë, Berisha tha se Rama kishte planifikuar të mbante një fjalim 60 minutësh, por e anuloi. Sipas tij, kryeministri Edi Rama ka faktuar shumë herë se është armik i Kosovës.

"Është hera e dytë që Edi Rama urdhëron grupin e tij parlamentar, antishqiptar, të mos e votojë gjenocidin. Nuk e pranon ai se lidhjet e tij me Vuçiç-in janë problematike për rajonin dhe për botën. Vetë ky me intrigat e tij është një nga autorët e dramës së udhëheqjes politike në Kosovë. Kishte planifikuar fjalim nesër një orë, por tani nuk e bën dot. Unë nuk besoj kurrë se protesta është rruga për t’iu kundërvënë gjykatës. Ato që kam bërë unë nuk kanë qenë protesta, por konferenca. Gjykatat kanë absurditetet e tyre, por ata kanë një pavarësi. Edi Rama i dëmton ata se është një personalitet i damkosur. Nëse gjykatësit e shohin se po ju del zot absolutisht kjo i dëmton luftëtarët e UÇK-së. Edi Rama ka faktuar se është armik i egër i Kosovës. Ju kujtohet 'Ballkani i Hapur', dhe sanksionet ndaj Albin Kurtit? Ky ka qenë autori", tha Berisha. /CNA





Lajmet e fundit nga