web counter
LEXO PA REKLAMA!

SHKARKO APP

App Store
Google Play

Projektligji për barazinë gjinore/ Gajda: Nuk synon të krijojë një gjini tjetër, por është pasuar me dezinformim

16 Tetor 2025, 15:43, Politikë CNA

Projektligji për barazinë gjinore/ Gajda: Nuk synon të

Komisioneri për Mbrojtjen nga Diskriminimi Robert Gajda ka prezantuar raportin për vitin 2024 në Kuvend.

Gajda në fjalën e tij analizoi edhe projektligjin “Për barazinë gjinore” të propozuar nga mazhoranca dhe tha se në tërësi është i punuar mirë, por është pasuar me dezinformim. Gajda deklaroi se pr.ligji nuk synon të krijojë një gjini tjetër, por mosnjohja e të drejtave të disa kategorive është diskriminuese.

"Projektligji për barazinë gjinore është pasuar me dezinformim. Ligji në tërësi është bërë mirë. Ka parashikime shumë të mira dhe ia vlen të diskutohet. 

Çdo individ ka disa përkatësi mund të jetë burrë grua, rom, invalid etj.

Risitë e këtij ligji janë konceptet: puna e papaguar, dhuna digjitale.

Një person diskriminohet për shkak të gjinisë dhe për shkak të një karakteristike tjetër. Një grua diskriminohet jo vetëm se është grua por edhe sepse është rome.

Këtu cenohet fëmija dhe prandaj pr.ligji merr përsipër të edukojë dhe ta distancojë fëmijën nga paragjykimi. Ligji nuk merret me rregullimin e programeve, por këto rregullohen me akte nënligjore.

Ligji nuk synon krijimin e një gjinie tjetër.

Ka pasur një rekomandim nga KiE që të njihen të drejtat e personave interseks dhe lidhur me konventat ndërkombëtare një pr.ligj që nuk njeh të drejtat e një kategorie dhe mosnjohjen e bashkëjetesës së dy personave me të njëjtën gjini është diskriminues.

Shqipëria ose duhet të zbatojë rekomandimet ose të dalë nga Konvenmta Europiane për të Drejtat e Njeriut.

Përshëndes Kuvendin për çeljen e vakancës për Komisionerin për Mbrojtjen nga Diskriminimi", deklaroi Gajda./CNA





Lajmet e fundit nga