web counter
LEXO PA REKLAMA!

SHKARKO APP

App Store
Google Play

Shkarkimi i Veliajt/ Parashtrimet e Këshillit të Ministrave në GJK: Mosparaqitja në detyrë është fakt publik

16 Tetor 2025, 16:46, Politikë CNA

Shkarkimi i Veliajt/ Parashtrimet e Këshillit të Ministrave në

Zbardhen parashtrimet e Këshillit të Ministrave në Gjykatën Kushtetuese në lidhje me shakrkimin e Erion Veliajt nga detyra e krebashkiakut.

Në parashtrimet e Këshillit të Ministrave thuhet se shkarkimi i Veliajt është bërë i bazuar në nenin 62, pika “c”, të ligjit për vetëqeverisjen vendore.

Këshilli i Ministrave shprehet se pamundësia e Veliajt për t’u paraqitur në punë është fakt publik, vërtetësia e të cilit nuk mund të vihet në dyshim.

 

 

Parashtrimet

 

Këshilli bashkiak ka marrë vendimin nr.69, datë 23.9.2025 në rrethanat kur Kryetari i Bashkisë Tiranë ndodhet në pamundësinë fizike për t'u paraqitur në detyrë prej datës 10 shkurt 2025, për shkak të vendosjes ndaj tij të masës shtrënguese të sigurimit personal.

Pavarësisht kërkesave të përsëritura procedurale, gjykata ka lënë në fuqi masën arrest me burg për kryetarin e Bashkisë Tiranë dhe nuk ka pranuar heqjen e masës, apo zëvendësimin me një masë tjetër shtrënguese që do të mundësonte paraqitjen në detyrë.

Këshilli Bashkiak Tiranë ka konstatuar se mosparaqitja në detyrë, në rrethanat e sipërcituara dhe për një periudhë më të gjatë se tre muaj, përbën shkak ligjor për të propozuar shkarkimin e Kryetarit të Bashkisë, mbështetur në shkronjën “c”, të nenit 62, të ligjit nr. 139/2015, "Për vetëqeverisjen vendore”, të ndryshuar.

Fakti juridik i pamundësisë së paraqitjes në detyrë është fakt publik dhe vërtetësia e tij nuk mund të vihet në dyshim./CNA





Lajmet e fundit nga