E fundit!

10:44 Aktualitet Besim Ndregjoni

Mbyllja e kapitujve të BE për arsimin dhe kërkimin shkencor, Kumbaro: Fryt i reformave

Shqipëria mbylli me sukses tre kapitujt e parë të Integrim...

"Pro, kundër, abstenim, dil jashtë"/ Votim i pazakontë në Kuvend, rendi i ditës miratohet pa debat

16 Tetor 2025, 17:03, Politikë CNA

"Pro, kundër, abstenim, dil jashtë"/ Votim i pazakontë

Pas një ndërprerje disaminutëshe seanca ka rinisur me dabate të forta mes kryeparlamentarit Niko Peleshi dhe kreut të Grupit Parlamentar të Partisë Demokratike, Gazment Bardhi.

Bardhi ka refuzuar të lërë sallën dhe kjo ka sjellë reagimin e Taulant Ballës i cili ka kërkuar që rendi i ditës të votohet pa diskutime.

Propozimi u hodh për votim dhe u votua me 73 vota pro.

“Largohuni dhe na lejoni të kryejmë votimin zoti Bardhi”, deklaroi Peleshi.

Bardhi refuzoi në mënyrë të përsëritur largimin nga salla dhe rendi i ditës u votua si më poshtë:

Raporti i veprimtarisë së Agjencisë së Sigurimit të Depozitave për vitin 2024 u miratua me 71 vota pro, 0 abstenim, 2 kundër;

Raporti i veprimtarisë së Institutit të Studimeve për Krimet dhe Pasojat e Komunizmit në Shqipëri për vitin 2024 u miratua me 73 vota pro, 0 abstenim, 0 kundër;

Raporti i veprimtarisë së Komisionerit për Mbrojtjen nga Diskriminimi për vitin 2024 u miratua me 73 vota pro, 1 kundër, 0 abstenim;

Projektligji për menaxhimin e integruar të mbetjeve është miratuar me 73 vota pro, 0 abstenim, 9 kundër;

Miratohet me 73 vota pro, 0 abstenim, 1 kundër, projektvendimi “Për ngritjen e Komisionit të Posaçëm Parlamentar për Shqyrtimin dhe Përzgjedhjen e Kandidaturave të Komisionit Rregullator të Komisionit Qendror të Zgjedhjeve” me përbëje: PS- Damian Gjiknuri kryetar, Aurora Mara, anëtare Ermal Pacaj anëtar, PD-Oerd Bylykbashi anëtar, Ivi Kaso anëtar.

Përbërja e nënkomisionit për Bujqësinë u miratua me 73 vota pro, 0 abstenim, 1 kundër.

Gjatë leximit të votave kryetari i Parlamentit i kërkoi Gazment Bardhit në mënyrë të përsëritur që të dalë jashtë.