E fundit!

10:21 Aktualitet

Fshehu qindra mijëra euro në tubimin e aspirimit/ Amnistia Penale nxjerr nga burgu pastruesen “famoze”

Rozeta Dobi, e dënuar për vjedhjen e një shume të konsider...

Digjitalizimi në proceset zgjedhore/ Gonzato: Ofron mundësi, por sjell rrezikshmëri për manipulim

17 Tetor 2025, 10:45, Politikë CNA

Digjitalizimi në proceset zgjedhore/ Gonzato: Ofron mundësi, por sjell

Ambasadori i BE-së në Shqipëri, Silvio Gonzato, ka qenë pjesë e tryezës së diskutimeve "Mbikëqyrja e Digjitalizimit në Proceset Zgjedhore: Drejt Konvergjencës midis BE-së dhe Ballkanit Perëndimor".

Gozato u shpreh se digjitalizimi ofron mundësi të mëdha, por sjell rrezikshmëri dhe për manipulim të procesit zgjedhor.

“Teknologjia digjitale po shndërron mënyrën se si qytetari angazhohet në demokraci. Ato ndikojnë se si administrohen zgjedhjet. Digjitalizimi ofron mundësi të mëdha, por sjell rrezikshmëri për manipulim”, tha Gonzato.

Më tej, ambasadori tha se BE ka zhvilluar një nga kuadrot më të plotë për ligjin për digjitalizimin, ku do të ketë një rregullore për transparencën dhe reklamat politike.

Ai theksoi se do të fuqizojnë më tej qëndresën e tyre në këtë aspekt.

“BE ka zhvilluar një nga kuadrot më të plotë për ligjin për digjitalizimin, do të kemi një rregullore për transparencën dhe reklamat politike. Këto instrumente janë krijuar për të mbrojtur qytetarët për të siguruar konkurrencën dhe besimin te proceset zgjedhore. Do të fuqizojmë më tej qëndresën tonë në këtë fushë”, u shpreh Gonzato.

Gonzato bëri me dije se do të ketë një komision parlamentar të përbashkët për Reformën Zgjedhor.

“Sot pas zgjedhjeve të vitit 2025 panorama politike po angazhohet në reformë do krijohet një komision i përbashkët për refromën zgjedhore që kanë si synim për të vlerësuar kuadrin ligjor, por dhe faktin se ekziston nevojë për t'u përballur me sfidat e së shkuarës.

KQZ ka ndërmarrë hapa të rëndësishëm për një analizë për të fuqizuar transparencën dhe efikasitetin në proceset zgjedhore. Mbikëqyrja digjitale është qendrore.

Përdorimi i teknologjisë kërkon modernizimin e proceseve zgjedhore.

BE dhe Këshilli Europian janë krenarë që vijojnë partneritetin me anë të një projekti të ri për procesin zgjedhor”, ka deklaruar Gonzato./ CNA