web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet lokale/ "Luli i Vlorës" kandidat për kryetar bashkie

19 Tetor 2025, 09:00, Politikë CNA

Zgjedhjet lokale/ "Luli i Vlorës" kandidat për kryetar

Një kandidaturë e re ka dalë për zgjedhjet lokale në Bashkinë e Vlorës.

Bëhet fjalë për një nga ushtarët e Lulit, megjithëse ky i fundit nuk dihet se ku është, ka humbur “pa nam e nishan”. Me sa duket ka lënë tek-tuk vërdallë ndonjë nga besnikët e tij.

Luli i Vlorës, Gjergj Nika ka shpallur kandidaturën e tij për kryetar të Bashkisë Vlorë, ku premton se do të përfaqësojë të djathtët dhe ata që janë lënë në harresë.

Ndoshta te demokratët e lënë në harresë e ka fjalën për liderin e tij, Lulin.

Më tej në reagimin e tij, kandidati i dalë nga partia “fantazmë” e Lulit, bën thirrje për bashkimin e demokratëve.

Pra bashkimin do ta bëjë Gjergji i Lulit, që nuk mbështeti kandidatin që mbështeti Partia Demokratike, por doli vetë si kandidat.

 

“Në një kohë kur zëri i të djathtës është i papërfaqësuar, dhe shumë demokratë ndihen të lënë në harresë, unë kam zgjedhur të mos hesht.

Besoj se e djathta ka ende shumë për të dhënë — vlera, ndershmëri, përkushtim dhe dashuri për qytetin tonë.

Pikërisht për këtë arsye, kam vendosur të kandidoj si i pavarur, në mënyrë që demokratët dhe gjithë njerëzit e së djathtës të kenë një zë të fortë, të sinqertë dhe të pavarur në këto zgjedhje. Ky vendim është më shumë se politikë — është një thirrje për bashkim, për shpresë dhe për ndryshim.

Së bashku mund ta rikthejmë besimin, mund të ndërtojmë një të ardhme që na përfaqëson të gjithëve”, shkruan Nika./CNA





Lajmet e fundit nga