web counter
LEXO PA REKLAMA!

SHKARKO APP

App Store
Google Play

Reforma zgjedhore/ Celibashi: Organi përgjegjës për zgjedhjet të jetë monokratik

19 Tetor 2025, 12:36, Politikë CNA

Reforma zgjedhore/ Celibashi: Organi përgjegjës për zgjedhjet

Komisioneri Shtetëror i Zgjedhjeve, Ilirjan Celibashi në një dalje për mediat ka folur për ndryshimet në KQZ.

Celibashi është shprehur se organi përgjegjës për zgjedhjet duhet të jetë monokratik, i përfaqësuar nga një person i cili të zgjidhet nga Kuvendi i Shqipërisë.

Më tej kreu i KQZ tha se ai mbështet formulën hibride pa komisionerë politikë, por jo të jenë të gjithë nëpunës civilë, siç propozon mazhoranca.

Sa i përket prezencës së përfaqësuesve nga partitë politike, Celibashi deklaroi se mund të kenë nga 2 persona dhe megjithatë përgjegjësinë dhe veprimet t’i ndërmarrë një person i emëruar nga KQZ.

 

“Organi përgjegjës për zgjedhjet të përfaqësohet nga një individ, pra të jetë një organ monokratik. I zgjedhur me konsensus, me shumicë të cilësuar nga Kuvendi i Shqipërisë, me kushtin që të jetë i përfshirë edhe kontributi i opozitës, sepse mazhoranca e sotme e ka shumicën e cilësuar gati. Për shembull, mund të gjendet një mekanizëm që opozita e momentit të jetë prezent aty, me të gjitha tagrat për të monitoruar, për të verifikuar, por ai që merr vendime në të gjitha aspektet, të jetë një individ.

Të mos kemi komisionerë partiakë, por unë jam për një formulë hibride, jo për formulën që prezanton mazhoranca që të jenë të gjithë nëpunës civilë. Ata që do të merren teknikisht dhe praktikisht me procesin, të jenë persona të emëruar nga Komisioni Qendror i Zgjedhjeve. Se nga cili komunitet, ka variante plot, mund të jenë mësues, avokatë, juristë, apo nëpunës civilë. Nga ana tjetër, partitë kryesore politike do të duhet të kenë njerëzit e tyre, nga 2, nuk ka nevojë të kenë nga 7 e nga 8, për të qenë prezentë, por veprimet dhe përgjegjësinë e ka personi i emëruar nga KQZ. Kështu ne kemi mundësinë t’i trajnojmë këta njerëz, dhe të mos emërojmë njerëz të rastësishëm që i sjellin partitë në moment të fundi, mbase edhe pa asnjë eksperiencë zgjedhore”, tha Celibashi./CNA





Lajmet e fundit nga