web counter
LEXO PA REKLAMA!

SHKARKO APP

App Store
Google Play

E fundit!

x

Strazimiri: Jabanxhinjtë e OSBE-së raportojnë se s'ka ndarje mes shtetit dhe partisë/ Strakosha: Nuk më kanë njoftuar

20 Tetor 2025, 11:55, Politikë CNA

Strazimiri: Jabanxhinjtë e OSBE-së raportojnë se s'ka ndarje

Deputeti i Partisë Demokratike, Gent Strazimiri, gjatë raportimit të Komisioneres për Mbikëqyrjen e Shërbimit Civil, ka ngritur problematikën e përdorimit të administratës në zgjedhje dhe formularin që duhej të plotësonin nëpunësit civilë.

Strazimiri deklaroi se OSBE/ODIHR në raportin paraprak ka deklaruar se në zgjedhje nuk kishte vijë demarkacioni mes shtetit, administratës publike dhe partisë në pushtet.

"Monitoruesit e OSBE-së kanë raportuar se nuk kishte vijë demarkacioni mes shtetit, administratës publike dhe partisë në pushtet.

Ju më thoni jo, ndërkohë që e kanë evidentuar jabanxhinjtë.

Keni 16 monitorues, që paguhen nga taksat tona, komisionerja që jeton këtu nuk ka dijeni. Kjo është vulë e zezë për institucionin tuaj sepse kjo nuk duhet të kishte ndodhur", deklaroi Strazimiri.

Komisionerja Strakosha tha se nuk është në dijeni sepse grupet e punës nuk i kishin raportuar një problematikë të tillë.

"Ju nuk më keni njoftuar, grupet e punës nuk më kanë njoftuar. Ne nuk jemi institucion që monitoron zgjedhjet.

Nga ta merrte dijeninë komisioneri kur punonjësit e administratës nuk e kanë sjellë formularin te ne? Pse nuk e solli OSBE/ODIHR te ne nëse e kanë konstatuar?", deklaroi Strakosha./CNA

 

 





Lajmet e fundit nga