web counter
LEXO PA REKLAMA!

SHKARKO APP

App Store
Google Play

Java nis vrullshëm për politikën/ Nga masa disiplinore për Bardhin te raportimi i institucioneve të pavarura

20 Tetor 2025, 07:46, Politikë CNA

Java nis vrullshëm për politikën/ Nga masa disiplinore për

Dita e hënë pritet të jetë e ngarkuar për shkak të raportimeve të institucioneve të pavarura në komisione.

Në orën 09:30 Sekretariati për Procedurat, Votimet dhe Etikën do të shqyrtojë kërkesën e 14 deputetëve të Grupit Parlamentar të Partisë Socialiste për: “Marrje mase disiplinore”. PS kërkoi përjashtimin e kreut të Grupit Parlamentar të Partisë Demokratike Gazment Bardhi pas tensioneve në seancën plenare të së enjtes ku fyeu kryeparlamentarin Niko Peleshi.

Në orën 10:00 do të zhvillohet mbledhja e përbashkët e Komisionit të Ligjeve dhe Komisionit për Nismat Qytetare ku do të raportojnë institucionet:

Komisioneri për Mbikëqyrjen e Shërbimit Civil, Departamenti i Administratës Publike; Këshilli i Lartë i Prokurorisë dhe Komisioni i Prokurimit Publik, për vitin 2024.

Në orën 11:00 do të zhvillohet mbledhja e përbashkët e Komisionit për Nismat Qytetare dhe Komisionit për të Drejtat e Njeriut dhe Mjetet e Informimit Publik ku do të mbahet dëgjesa për veprimtarinë e AMA-s për vitin 2024.

Pas raportimeve në javët e mëparshme pritet miratimi i projektrezolutës së veprimtarisë së Këshillit Drejtues të RTSH-së për vitin 2024./CNA

 





Lajmet e fundit nga