web counter
LEXO PA REKLAMA!

SHKARKO APP

App Store
Google Play

E fundit!

x

"Jugu mahnitës, por problem ngelen transporti dhe mungesa e ujit"/ Berisha: Pati vetëm 10-15% të huaj

20 Tetor 2025, 12:56, Politikë CNA

"Jugu mahnitës, por problem ngelen transporti dhe mungesa e

Kryetari i Partisë Demokratike, Sali Berisha, në një konferencë të mbajtur nga selia blu renditi problematikat e turizmit në Shqipëri. Kryedemokrati tha se në Jug, verën që lamë pas kishte vetëm 10-15% turistë të huaj, ndërsa në Veri kjo shifër shkon deri në 80%.

Berisha tha se Jugu është i bukur, por është shfrytëzuar në mënyrë barbare dhe ka çmime të larta kur nuk ka as ujë.

 

"Këtu nuk ka shtretër. Shkoni dhe bëni një hetim, filloni nga Uji i Ftohtë e gjer në Ksamil dhe pyesni pronarët sa pushues të huaj kishin.
Po pse mungesa e aeroportit i pengoi? Jo mo jo, ja ku është Tirana, ja ku është Korfuzi, ajo është një zonë e aksesueshme.
Por ajo nuk përmbush kushtet për turizmin e huaj.
Në qoftë se veriu ka pasur 80 për qind turistë të huaj, jugu nuk ka pasur as 10-15 për qind të huaj.
Veriu i ka pasur sepse ka atë treking, ata që vijnë me çanta në krah, që flenë në çadrat e tyre, por ka pasur.
E vërteta është se Thethi dhe Valbona kanë pasur të huaj në tërësinë e tyre.
Jugu shumë më pak. Tirana ka.
Jugu ka mungesa shumë të mëdha infrastrukturore dhe kjo është arsyeja.
Ka bukuri mahnitëse.
Mënyra se si e kanë trajtuar këta jugun është barbare.
Imagjinoni të vijë ai me 300 apo 500 euro shtratin kur nuk ka ujë për t’u larë.
Kur nuk shkon dot nga Dhërmiu në Himarë për të vizituar kështjellën se nuk ka transport.
I izoluar si të ishte një fshat i vetëm për shkak të mungesës së transportit.
E kanë zhvilluar vetëm si ta vjedhin.
Tuneli i Llogarasë, 220 milionë për të shkurtuar gjithsej 12-13 minuta.
Nuk ka njeri në botë që bën një shpenzim të tillë përveç hajdutëve Rama-Lubi.
Dhe u pret një pamje përrallore që të jep Qafa e Llogarasë.
I do ti ata 200 milionë? Jepu përgjigje ujërave të bardha dhe të zeza në të gjithë bregun.
Aty është tmerr. Shkoni në Himarë, shkoni kudo, i derdhin të gjitha në det.
Pra, janë të gjitha aferat korruptive.
Ky është njëlloj si djegësi i Tiranës. Del një djegës tani.
Por nuk harrohet as djegësi, as ky", tha Berisha./CNA





Lajmet e fundit nga