web counter
LEXO PA REKLAMA!

SHKARKO APP

App Store
Google Play

E fundit!

x

"KiE partner kyç i Shqipërisë në 3 dekada"/ Peleshi: "Venecia" gëzon reputacion të lartë

20 Tetor 2025, 14:20, Politikë CNA

"KiE partner kyç i Shqipërisë në 3 dekada"/

Kryetari i Kuvendit, Niko Peleshi, në çelje të Konferencës “30 vite partneritet dhe progres: Shqipëria, Këshilli i Europës dhe Komisioni i Venecias” deklaroi se KiE ka qenë një partner kyç në 30 vitet e demokracisë në vendin tonë.

Peleshi tha se Komisioni i Venecias gëzon reputacion të lartë në Shqipëri dhe me opinionet e tij ka ndihmuar zgjidhjen e konflikteve ndërinstitucionale.

"Në 3 dekada Shqipëria ka pësuar ndryshime të mëdha, KiE ka qenë një partner kyç, ndërsa komisioni i Venecias ka ofruar këshillim të paanshëm.

Dua të evidentoj rolin kyç në momente të vështira kushtetuese të vendit, për parimin e demokracisë dhe sundimin e ligjit.

Komisioni i Venecias me opinionet e tij ka zgjidhur marrëdhëniet e vështira ndërinstitucionale. Ka luajtur rol kyç në reformën në drejtësi.

Komisioni i Venecias gëzon reputacion të lartë në Shqipëri, kjo buron nga puna e besueshme", deklaroi Peleshi.

Kryeparlamentari tha se Kuvendi ka ngritur tashmë Komisionin për Reformën Zgjedhore dhe procesi do të jetë i hapur dhe transparent. Peleshi falënderoi KiE-në për mbështetjen që i ka dhënë institucionit të Kuvendit.

"Kuvendi ka ngritur një Komision për Reformën Zgjedhore, do të konsultohemi me Komisionin e Venecias, procesi do të jetë i hapur dhe transparent.

Mirënjohje për zyrën e KiE-së në mbështetje të punës së Kuvendit.

Kjo konferencë është shumë e rëndësishme. Nesër do të diskutohen çështje si vetingu i magjistratëve, reforma zgjedhore dhe drejtësia kushtetuese", tha ai.

 

Peleshi tha se vendi ynë ka vetëm një rrugë: t’i përkasë botës së lirë.

"Shqipëria ka vetëm një rrugë: ajo do t’i përkasë botës së lirë ku sundojnë të drejtat e njeriut", përfundoi Peleshi./CNA

 

 





Lajmet e fundit nga